web counter
LEXO PA REKLAMA!

SHKARKO APP

App Store
Google Play

Polemika dhe incidente me tifozët në Islandë, reagon Vllaznia: Të ishin marrë masat

12 Korrik 2024, 20:29, Sport CNA

Polemika dhe incidente me tifozët në Islandë, reagon Vllaznia:

Vllaznia barazoi 2-2 ndaj islandezëve të Valur, në ndeshjen e vlefshme për turin e parë në Conference League. Megjithatë, sfida në Islandë, krijoi polemika të mëdha për arbitrimin, por edhe incidente të tifozëve.

Sipas mediave islandeze, tifozët e Vllaznisë janë përleshur me rojet e sigurimit dhe hedhur sende drejt arbitrit, teksa po nga të njëjtat media raportohet se drejtuesit e klubit shkodranë kanë kërcënuar ata të Valur.

Me anë të një deklarate, klubi i Vllaznisë thotë se distancohen nga çdo shfaqje antisportive e ndodhur në shkallët e stadiumit.

DEKLARATA E VLLAZNISË

Klubi i Futbollit Vllaznia, presidenti Alban Xhaferi dhe të gjithë drejtuesit e tjerë distancohen nga çdo shfaqje antisportive e ndodhur në shkallët e stadiumit "Hlíðarendi" Rejkjavik, Islandë, duke dënuar me forcë çdo veprim që cënon integritetin e garës. Në asnjë rast nuk mund të marrim përgjegjësi për sjelljet individuale që cënojnë rregullat e UEFA-s të çdo tifozi të pranishëm në stadium për të cilat organizatorët e kësaj ndeshje, klubi pritës, duhej të kishte marrë të gjitha masat për zhvillimin normal të një ndeshje futbolli. Megjithatë ekipit të Vllaznisë nuk i është dhënë asnjë biletë për mbështetësit e saj të cilat kanë qenë të aksesueshme vetëm online!
Drejtuesit e Vllaznisë distancohen në mënyrë të hapur dhe të qartë nga ngjarje të tilla që nuk kanë lidhje me futbollin dhe po bashkëpunojnë ngushtësisht me organet përgjegjëse në UEFA për të kontribuar në hetimin objektiv të këtyre shfaqjeve që dëmtojnë imazhin e futbollit.
KF Vllaznia ashtu si në të gjitha ndeshjet ndërkombëtare të organizuara, garanton sigurinë e plotë në ndeshjen e kthimit në Shkodër duke krijuar të gjitha kushtet e nevojshme për “fair-play” në fushë dhe në shkallët e stadiumit “Loro Boriçi”.





Lajmet e fundit nga