web counter
LEXO PA REKLAMA!

SHKARKO APP

App Store
Google Play

Përjashtimi nga Kosova, flet për herë të parë Zhegrova: Nuk e vendosi trajneri

26 Shtator 2024, 14:18, Sport CNA
Përjashtimi nga Kosova, flet për herë të parë Zhegrova:
Edon Zhegrova, Lille

Edon Zhegrova, Arijanet Muriç dhe Florent Muslija u përjashtuan nga grumbullimi më përfaqësuesen e Kosovës pas ndeshjes me Rumaninë, gjatë ndeshjeve të shtatorit në Ligën e Kombeve.

Federata e Futbollit të Kosovës njoftoi pas këtij vendimi se tre lojtarët ishin përjashtuar, pasi kishin thyer rregulloren dhe se trajneri Franco Foda ishte ai që kishte marrë vendimin në fjalën.

Së fundmi, Edon Zhegrova ka thyer heshtjen, teksa në konferencë për shtyp te klubi i Lille ka folur për rastin në fjalë.

Sulmuesi “dardan” akuzoi federatën për këtë vendim dhe hodhi poshtë faktin se përjashtimi i tij kishte ardhur nga trajneri, ndonëse me tej shtoi se çështja është zgjidhur tashmë.

“Po, në të vërtetë, diçka ndodhi në grumbullimin me Kosovën. Arrita vonë në një takim dhe çfarë më zemëroi pak më shumë ishte fakti që federata ishte ajo që e mori vendimin për përjashtimin tim dhe jo trajneri, por e di që jam profesionist. Tani, kjo çështje i përket të kaluarës, problemi është zgjidhur dhe ne ecim përpara”,-deklaroi sulmuesi.

Zhegrova, Muriç dhe Muslija nuk ishin në ndeshjen ndaj Qipros dhe mbetet për t’u parë nëse ata do të grumbullohen në muajin tetor, kur Kosova luan ndaj Lituanisë në transfertë dhe ndaj Qipros në Prishtinë./CNA





Lajmet e fundit nga