web counter
LEXO PA REKLAMA!

SHKARKO APP

App Store
Google Play

Nuk ka ndërmend të rinovojë, "luftë" mes Tiranës dhe mbrojtësit

9 Mars 2023, 16:24, Sport CNA

Jocelin Behiratche vazhdon të jetë shqetësimi më i madh te Tirana e situate nuk është se u zgjidh pas mbylljes së merkatos së janarit. Qendërmbrojtësi nga Bregu i Fildishtë në qershor shkon në skandencë kontrate dhe nuk ka ndërmend të rinovojë, duke preferuar të dalë si parametër zero. Një zgjedhje që Tirana nuk dëshiron ta pranojë dhe po bën të pamundurën për ta evituar. Pasi 22 vjeçari refuzoi cdo propozim të ardhur nga bardheblutë, në lidhje me zgjatjen e kontratës, tani duhet të përballet me qendrimin e ashpër të klubit. Drejtuesit e Tiranës i kanë dhënë një ultimatum lojtarit, që përmblidhet me një fjali: nëse nuk rinovon, nuk luan më në formacion.

Behiratche tani duhet të vendosë cfarë të bëjë sepse ëprpara tij janë dy mundësi. E para të rinovojë, duke e bërë të pasigurt largimin nga kampionët në fuqi sepse pastaj të interesuarit duhet të plotësojnë kërkesat e bardhebluve. E dyta të pranojë mbi tre muaj pankinë, duke rrezikuar të mos jetë jashtë forme kur të arrijë në fund të kontratës, duke ja komplikuar gjetjen e klubit të ardhshëm. Vendimi sigurisht nuk e lehtëson punën e Orges Shehit, sidomos i marrë para ndeshjes me Lacin, kur Najdovski është i skualifikuar, Abazaj ende i pa rikuperuar dhe Patrick i dëmtuar. Duke shtuar këtu edhe sepse pankina e kryeqytetasve është shumë e shkurtër këtë sezon.

E megjithatë, kjo është tentativa e fundit e Tiranës për të mos humbur me zero lojtarin, pasi dështoi ta shiste brenda 28 shkurtit te Sheriff Tiraspol, për shkak të ofertës së ulët të moldavëve dhe me 50% të kartonit të zotëruar nga kompania menaxheriale, që do të përgjysmonte fitimin.





Lajmet e fundit nga