web counter
LEXO PA REKLAMA!

SHKARKO APP

App Store
Google Play

E fundit!

x

Mungon vetëm zyrtarizimi/ Partizani gjen “timonierin” e ri, vjen trajneri që grumbulloi 2 pikë në Superiore

10 Gusht 2022, 10:55, Sport CNA
Mungon vetëm zyrtarizimi/ Partizani gjen “timonierin” e ri,
Partizani

Giovani Colella mund të konsiderohet trajneri i ri i Partizanit. Edhe pse u përfolën shumë emra të tjerë, në fakt ish-tekniku i Apolonisë është përzgjedhur prej kohësh nga drejtuesit e kuq. Dje në media u tha se Serse Cosmi ishte kandidat potencial për të marrë drejtimin e kryeqytetasve. Por siç duket këto aludime kanë qenë thjesht një “truk” për të fshehur trajnerin e ri të të kuqve.

Siç mëson "Newsport.al" pritet që italiani të prezantohet sot nga drejtuesit e klubit të Partizanit duke i dhënë fund në këtë mënyrë “odisesë” për “timonierin” e edicionit të ri. 56-vjeçari pati para dy sezonesh një përvojë të shkurtër në Shqipëri duke drejtuar skuadrën e Apolonisë. Ai u largua pas 7 javës për shkak të mungesës së rezultateve pozitive. Në të shkuarën ka drejtuar disa klube në Serinë C në Itali, ndërsa sot pritet të prezantohet në ambientet e klubit të Partizanit.

Mungon vetëm zyrtarizimi/ Partizani gjen “timonierin” e ri,
Giovani Colella

Colella në Shqipëri u bë i njohur me skuadrën e Apolonisë. Para dy sezonesh, fierakët ishin pjesë e elitës. Por, italiani nuk arriti të krijonte një grup kompakt teksa në Superiore arriti të grumbullonte vetëm 2 pikë në 5 ndeshjet e luajtura. Interesi është i madh për të mësuar se si do të vijojë aventura e tij e re te Partizani, klub me emër dhe traditë në Shqipëri.





Lajmet e fundit nga