LEXO PA REKLAMA!

SHKARKO APP

E mbylli me Skënderbeun, Mensah transferohet te Partizani

10 Gusht 2022, 10:18, Sport CNA
E mbylli me Skënderbeun, Mensah transferohet te Partizani
Alfred Mensah

Partizani përveç largimeve, po punon fort për afrimet që të përforcojë skuadrën. Sulmi është reparti ku ka më shumë nevoja dhe duket se më në fund po bëhen lëvizjet e duhura për të plotësuar ofensivën. “Panorama Sport” shkruan se Partizani ka arritur akordin me Alfred Mensah, ish-sulmuesin e Skënderbeut në sezonin e shkuar.

Ganezi e la Skënderbeun pas rënies në të Parën dhe u transferua në Izrael, ku firmosi me skuadrën e Nof HaGalil. Megjithatë, gjithçka është anuluar në momentet e fundit për shkak se Skënderbeu kërkoi taksën e formimit për lojtarin, që ishte rreth 90 mijë euro. Klubi i Nof HaGalil nuk ishte i gatshëm të paguante këtë shumë dhe i kërkoi lojtarit largimin.

Partizani, shumë i interesuar edhe më parë për Mensah, ndërhyri me shpejtësi dhe arriti të bindë Mensah, por edhe Skënderbeun. Gjithsesi, as në këtë rast klubi korçar nuk heq dorë nga taksa e formimit dhe gazeta mëson ekskluzivisht se ka arritur akordin me presidentin Takaj për shifrën e 60 milionë lekëve të vjetër, para të konsiderueshme për futbollin tonë.

Sulmuesi ka mbërritur dje në mbrëmje në Tiranë dhe sot pritet të vijë firma mbi kontratë. Ganezi mund të luajë në qendër dhe në krahët e sulmit. Vjet me Skënderbeun ai shënoi 9 gola në Kategorinë Superiore. 23-vjeçari do të jetë në garë me Skukën për një vend në formacion.

Lajmet e fundit nga