web counter
LEXO PA REKLAMA!

SHKARKO APP

App Store
Google Play

ZYRTARE/ Një rival më pak për Brojën te Çelsi, dështimi i Vernerit bën kthimin e bujshëm

9 Gusht 2022, 19:41, Sport CNA

Timo Verner i ka dhënë lamtumirën Çelsit, duke i dhënë fund një eksperience, e cila ishte për t’u harruar. Futbollisti i përfaqësueses gjermane zbarkoi në Londër në vitin 2020 si ylli i ardhshëm i kësaj skuadre, por ishte një dështim absolut gjatë karrierës së tij në këtë klub.

Kështu, ai kërkoi një sistemim të ri dhe në fakt e gjeti në klubin e tij të vjetër. Sot, është zyrtarizuar firma e sulmuesit me klubin e RB Lajpcig, nga i cili ishte larguar 2 vite më parë për eksperiencën angleze.

Verner kaloi vizitat mjekësore dhe u prezantua përsëri në klubin ku mban rekordin e golave të shënuar me 78 të tillë në 127 ndeshje. Një klub ku ai u bë një nga emrat më të njohur në Europë e fitoi vendin në radhët e përfaqësues gjermane, ndërsa tashmë shpreson që të ringjallë një karrierë e cila mori një kthesë të papritur falë dështimit në Angli.

Sulmuesi i Gjermanisë është prezantuar sot pasi ka hedhur firmën në një kontratë katërvjeçare, duke i hapur rrugë kështu Armando Brojës, i cili ka një rival më pak te Çelsi për rolin e qendërsulmuesit në radhët e kësaj skuadre.





Lajmet e fundit nga