web counter
LEXO PA REKLAMA!

SHKARKO APP

E fundit!

x

Miqësoret kundër Turqisë/ Grima grumbullon 24 futbolliste, pesë risi në listë

22 Nëntor 2025, 14:38, Sport CNA

Miqësoret kundër Turqisë/ Grima grumbullon 24 futbolliste,

Shqipëria e vajzave do të zhvillojë dy ndeshje miqësore kundër Turqisë më 28 nëntor dhe 1 dhjetor. Skuadra e drejtuar nga trajneri Armir Grima do të nisë grumbullimin dhe përgatitjet të hënën në Tiranë, për t’u zhvendosur më pas në Stamboll, ku do të vijojë fazën përgatitore.

Në kuadër të këtyre dy miqësoreve, trajneri Grima ka grumbulluar 24 futbolliste, pesë prej të cilave janë risi në listën kuqezi.

Stafi teknik dhe departamenti i ekipeve kombëtare vijojnë të monitorojnë vazhdimisht elementët e rinj. Katër nga futbollistet e grumbulluara rishtazi në skuadër vijnë nga ekipet jashtë vendit, teksa vetëm Teresa Deda është pjesë e skuadrës së Vllaznisë. Po ashtu, në skuadër rikthehen edhe futbollistet që kanë qenë më parë pjesë, si Klaudia Borci, Endrina Elezaj dhe Fortesa Berisha. Kjo e fundit la grumbullimin e tetorit për sfidat ndaj Qipros për shkak dëmtimi.

Takimi i parë ndaj Turqisë do të zhvillohet më 28 nëntor në orën 13:00. Fillimisht, ndeshja ishte planifikuar të luhej në orën 14:00, por pas kërkesës së ardhur nga Federata Turke, orari u zhvendos një orë më herët, në 13:00. Sakaq, ndeshja e dytë do të luhet më 1 dhjetor në orën 14:00.





Lajmet e fundit nga