web counter
LEXO PA REKLAMA!

SHKARKO APP

App Store
Google Play

E fundit!

x

Merkato/ Tirana piketon Liridon Latifin

13 Qershor 2023, 21:15, Sport CNA

Tirana po kërkon me ngulm lojtarë, të cilët do të luajnë titullarë për sezonin e ri. Kampionët nuk kanë mbrojtës të djathtë dhe të majtë, si dhe rezerva në mbrojtje dhe në sulm. Duhet të paktën një sulmues për stolin, një qendërmbrojtës për stolin dhe kompletimi me nga dy mbrojtës krahu.

Agan Mjaki, lojtari i ekipit Shpresa të Shqipërisë, pritet të largohet nga FC Groningen dhe mund të firmosë me Tiranën në Superiore. Burime nga Holanda bëjnë me dije se shqiptari këtë verë do të nënshkruajë me bardheblutë në Shqipëri. Mjaki është një nga lojtarët më të talentuar të Shpresave dhe pjesë e ekipit të Bushit.

Në këtë moment që flasim, për krahun e djathtë një “ish” është në shënjestër, që mund të bashkohet me bardheblutë në verë. Bëhet fjalë për Albi Dokën, që është pa skuadër, pasi Honvedi ra nga kategoria. Lojtari ka ende kontratë me skuadrën hungareze.

Vetëm nëse prish marrëveshjen me Honvendin do të bashkohet me Tiranën. Bardheblutë po e kërkojnë me ngulm që ta kenë në ekip, ndërkohë që Doka ka deklaruar se do të jetë bardheblu nëse zgjidh çështjen me klubin aktual.

Në krahun e majtë skuadra për momentin, veç Florjan Përgjonit, nuk ka asnjë alternativë tjetër. Skuadra ka kërkuar lart e poshtë dhe një opsion është Ndreca i Kukësit apo Lorani i Bylisit.

Gjithsesi, ka edhe emra të tjerë, ndërsa “Panorama Sport” zbulon se Liridon Latifi është edhe më pranë bardhebluve dhe mund të firmosë në orët në vazhdim. Mësohet se marrëveshja është mbyllur paraprakisht dhe palët pritet të firmosin kontratën.





Lajmet e fundit nga