web counter
LEXO PA REKLAMA!

SHKARKO APP

App Store
Google Play

Mbrëmje shqiptarësh në Europë! Egnatia, Dinamo dhe Vllaznia synojnë kualifikimin

31 Korrik 2025, 07:29, Sport CNA

Mbrëmje shqiptarësh në Europë! Egnatia, Dinamo dhe Vllaznia

Egnatia, Vllaznia dhe Dinamo do të zbresin në fushë mbrëmjen e kësaj të enjteje për ndeshjet e kthimit të raundit të dytë të Konferencë Ligës. Të tria skuadrat shqiptare vijnë pas fitoreve në përballjet e para dhe synojnë të ruajnë avantazhin për të siguruar kualifikimin.

Egnatia do të presë Dinamo Minskun në stadiumin “Arena Egnatia”, pas fitores 0-2 në transfertë ndaj skuadrës bjelloruse. Rrogozhinasit kanë një avantazh të rëndësishëm nga ndeshja e parë dhe kualifikimi duket formalitet, me përjashtim të surprizave të hidhura. Kjo përballje do të luhet në stadiumin e Rrogozhinës, duke nisur nga ora 21:00.

Pak minuta më herët, Dinamo do të luajë ndeshjen e kthimit kundër Eskaldes në stadiumin “Elbasan Arena”. Pas suksesit 1-2 në ndeshjen e parë në Andorrë, dinamovitët kërkojnë një tjetër rezultat pozitiv për të kaluar më tej. Ky takim do të luhet duke nisur nga ora 20:45.

Në të njëjtin orar, Vllaznia sfidon në Islandë skuadrën e Vikingur. Shkodranët fituan 2-1 sfidën e parë të zhvilluar më 24 korrik në stadiumin “Loro Boriçi” dhe tashmë synojnë të ruajnë epërsinë. Misioni duket i vështirë, por jo i pamundur.

Ndeshja Vllaznia-Vikingur do të luhet në Islandë, duke nisur nga ora 20:45.





Lajmet e fundit nga