web counter
LEXO PA REKLAMA!

SHKARKO APP

App Store
Google Play

Pragndeshja Vikingur-Vllaznia/ Futbollistët Bajrami e Gurishta: Jemi vetëm për kualifikim

30 Korrik 2025, 18:07, Sport CNA

Pragndeshja Vikingur-Vllaznia/ Futbollistët Bajrami e Gurishta: Jemi

Vllaznia do kërkojë të enjten kualifikimin në turin e tretë të Conference League.

Melos Bajrami dhe Erdenis Gurishta folën përpara ndeshjes teksa thanë se objektiv është kualifikimi. Bajrami tha se janë fokusuar në çdo repart.

“Atmosfera është shumë e mirë. Kemi patur një udhëtim pak të lodhshëm por sot kemi nis stervitjen dhe do bëjmë më të mirë. Shpresoj të kthehemi me rezultat pozitiv. Ajo fitore na ndihmoi shumë por të lehtë në futboll nuk ka asgjë. Sepse duhët të jesh i koncentruar gjithmonë. Jemi fokusuar në çdo repart që nga portieri e deri tek sulmi. Është një shans shumë i mirë edhe pse jemi 50:50 me mundësi”, tha futbollisti Bajrami.

 

Gurishta tha se fitorja në Shkodër u jep besim dhe një avantazh në goleadë.

Më tej futbollisti tha se janë të fokusuar për të dhënë më të mirën.

 

“Është ndeshje me emocione sepse kemi një mundësi shumë të mirë për të kaluar turin e dytë dhe të tretë dhe do të ishte historike për Vllazninë. Jemi gati, po ambjentohemi me klimën kemi edhe seancën stervitore sot. Fitorja në Shkodër na jep besim sepse vijmë me moral të lartë kemi një gol në avantazh, presioni është tek ekipi kundërshtar dhe besoj se jemi në rrugën e duhur. Vikingur ka një ekip të mirë me fizik dhe janë në ritëm të mirë.Jemi të vetëdijshëm që është një ndeshje me peshë dhe ne që kemi eksperiencë duhet të mbajmë më shumë përgjegjësi. Tifozët na kanë mbështetur gjithmonë dhe ata që jetojnë këtu i mirëpresim ndonëse e dimë që është një vend i largèt. Duhet të jemi të karikuar dhe të fokusuar për të dhëne me të mirën tonë”, u shpreh Gurishta.

 

Vikingur-Vllaznia do të luhët nesër në orën 20:45!/ CNA





Lajmet e fundit nga