web counter
LEXO PA REKLAMA!

SHKARKO APP

App Store
Google Play

Mbrëmje “drithërimash” në Champions, luhen finale të parakohshme

5 Mars 2025, 11:17, Sport CNA

Mbrëmje “drithërimash” në Champions, luhen finale

Mbrëmjen e kësaj të mërkure do të luhen katër sfida të vlefshme për aktin e parë në fazën e 1/16-ve në Ligën e Kampioneve. Për tifozët e futbollit, padyshim që do të jetë e vështirë për të zgjedhur se cilën ndeshje do të ndjekin, pasi shorti ka rezervuar finale të parakohshme. 

Bayern Munich pret në shtëpi Bayer Leverkusen, në një përballje gjermane, e gjitha për t'u shijuar. Dy ekipet duelojnë mes tyre në kampionat për titullin kampion, ndërsa tani do të masin forcat në Champions. 

Një finale e parakohshme është padyshim edhe përballja mes PSG-së dhe Liverpool, dy skuadrat më në formë të momentit në Europë. Takimi do të zhvillohet në kryeqytetin francez, me parisienët që u kualifikuan për në këtë fazë, pas fitores 10-0 me rezultatin e përgjithshëm ndaj Brest. 

Përballje interesante është edhe ajo në Portugali, mes Benfica-s dhe Barcelona-s. Kjo është hera e dytë që dy ekipet përballen mes tyre për këtë sezon, pas asaj në fazën e kaluar. Sfida e parë rezultoi e çmendur, ndërsa u fitua nga katalanasit me rezultatin 5-4, në një përplasje epike. 

Këto takime do të luhen në orën 21:00, ndërsa më herët, është planifikuar përballja mes Feyenoord dhe Inter-it. 





Lajmet e fundit nga