web counter
LEXO PA REKLAMA!

SHKARKO APP

App Store
Google Play

Dëmtohet titullari/ Interi humb krahët, Inzaghi mund të ndryshojë skemën

3 Mars 2025, 22:14, Sport CNA

Dëmtohet titullari/ Interi humb krahët, Inzaghi mund të

Barazimi ndaj Napolit në kampionat, ka sjellë pasoja për Interin dhe trajnerin Simone Inzaghi. Federico Dimarco ka pësuar një dëmtim muskulor në fleksorët e kofshës së djathtë, siç konfirmuan ekzaminimet mjekësore të kryera. Mbrojtësi i krahut u detyrua të largohej nga fusha gjatë pjesës së dytë të ndeshjes kundër Napolit në stadiumin “Maradona” për shkak të një kontrakture, duke shtuar shqetësimet në kampin zikaltër.

Në deklaratën zyrtare të Interit thuhet se situata e Dimarcos do të vlerësohet në ditët në vijim, por parashikohet një mungesë prej rreth 20 ditësh. Kjo do të thotë se ai nuk do të jetë i gatshëm për asnjërën nga ndeshjet e raundit të 16-të të Champions Ligë kundër Feyenoord, një mungesë e rëndësishme për Interin në një moment kyç të sezonit. 

Dëmtimi i Dimarcos është vetëm një pjesë e problemeve të Interit në krahun e majtë të mbrojtjes. Së bashku me të, janë të padisponueshëm edhe Darmian, Augusto dhe Zalevski, duke e lënë Inzaghin në një situatë emergjente për ndeshjen e parë kundër Feyenoord në Holandë.

Në këtë situatë, trajneri italian mund të jetë i detyruar të ndryshojë skemën tradicionale 3-5-2 të Interit dhe të kalojë në një formacion 4-4-2. Edhe pse nuk është një eksperiment ideal për një sfidë kaq të rëndësishme, mungesa e opsioneve mund ta detyrojë atë të bëjë rregullime në skuadër.

 





Lajmet e fundit nga