E fundit!

09:56 Denoncim

“Lumë” presioni në rrjetet sociale/ Të famshmit në “shënjestër”, kush po i nxit për protestat

Protestat e ditëve të fundit të lidhur me situatën në Zvër...

Lojtari misterioz i Premier League, i arrestuar për dhunë seksuale/ Klubi e dinte por heshti, ja çfarë rrezikon

10 Korrik 2022, 12:02, Sport CNA

Premier League është ende e tronditur nga lajmi i arrestimit të një futbollisti 29-vjeçar për dhunë seksuale ndaj dy femrave. Lojtari në fjalë, identiteti i të cilit nuk dihet, është ndaluar nga gjashtë agjentë të Scotland Yard të hënën e kaluar në Barnet, në veri të Londrës. Ai që i shtoi më shumë bujë një lajmi tronditës, është fakti se sipas "Guardian", skuadra në të cilën luan lojtari i arrestuar kishte qenë në dijeni të akuzave, por kishte heshtur duke e lënë të vazhdonte të luante.

Detaje të reja kanë dalë, ndërkohë, në lidhje me futbollistin e Premier League, i akuzuar për përdhunimin e dy femrave dhe më pas i arrestuar nga policia angleze. Lojtari i liruar me kusht, duhet të merrte pjesë në Botërorin e Katarit, por pa dyshim që pjesëmarrja e tij tashmë është në dyshime të forta. Edhe klubi i tij rrezikon shumë, pasi, sipas "Guardian", ishte në dijeni të akuzave për përdhunim që binin mbi futbollistin e tij që nga vjeshta e kaluar. Megjithatë, klubi ka vazhduar ta lejonte të luante atë pavarësisht nga pasojat.

Ndërkohë, tabloidet britanike po rrëfejnë detajet e akuzave për përdhunim. Viktima e tij e parë e supozuar, një vajzë rreth të 20-ave, dyshohet se u përdhunua gjatë pushimeve në Mesdhe dhe se ajo u largua nga resorti me pesë yje ku po qëndronte dhe u kthye në shtëpi te familja e saj. Gruaja thuhet se foli me policinë pas kthimit të saj në Mbretërinë e Bashkuar dhe tregoi foto që tregonin disa mavijosje në trupin e saj. Më pas ka ardhur akuza e dytë, siç deklaroi policia: “Ndërsa ishte i ndaluar, burri u arrestua më tej me akuzën e dy ngjarjeve të përdhunimit që dyshohet se janë kryer në prill dhe qershor 2021 ndaj një tjetër 20-vjeçareje”.

Janë këto dy episodet e fundit të përmendura ato për të cilat klubi i lojtarit ka qenë në dijeni. Me shumë mundësi, mes gushtit dhe shtatorit duhet të fillojë edhe gjyqi: në rast dënimi, a do të paguajë edhe klubi që vazhdoi të lejonte lojtarin të luante? Kjo mbetet për t'u parë.