web counter
LEXO PA REKLAMA!

SHKARKO APP

App Store
Google Play

Berluskoni dhe Galiani kanë gati “bombën” e merkatos, dyshja e Monzës pas ish-sulmuesit të Barçës

9 Korrik 2022, 10:39, Sport CNA

Monza do të luajë në këtë sezon për herë të parë në Serinë A, ndërsa Silvio Berluskoni dhe Adriano Galiani po mundohen ta bëjnë sa më të paharrueshme këtë eksperiencë. Monza është aktualisht një nga klubet më aktive sa i takon merkatos në Itali, teksa deri më tani administratori Galiani ia ka dalë të bindë emra si Mateo Pesina, Stefano Sensi, Andrea Ranochia apo edhe portieri Cragno.

Por, asgjë nuk ka përfunduar duke qenë se goditja e madhe pritet të jetë në repartin e avancuar. Emrat që qarkullojnë deri më tani janë ato të Mauro Ikardit, Edinson Kavanit dhe Edin Xheko. Por, së fundmi në skenë ka dalë edhe Luis Suarez. Sulmuesi mbylli aventurën me Atletiko Madrid dhe është një lojtar i lirë. Uruguaiani ishte pranë firmës me River Plejtin, por në momentin që argjentinasit mbetën jashtë Copa Libertadores, 35-vjeçari nuk i konsideroi më si opsion.

Tashmë, Suarez i është rikthyer dëshirës për të qëndruar në Europë dhe Monza mund të shndërrohet në një opsion real. Sipas Sportitalia, Galiani dhe Suarez kanë biseduar në ditët e fundit dhe Monza është e gatshme t’i ofrojë Suarez një kontratë nga e cila do të përfitonte pesë milionë euro në sezon.

Pa dyshim që do të ishte një nga lëvizjet më të bujshme nëse Berluskoni dhe Galiani transferojnë në Itali ish-futbollistin e Barcelonës, teksa dyshja na ka mësuar shpesh në të kaluarën se për ta nuk ka asnjë lojtar të paarritshëm.





Lajmet e fundit nga