web counter
LEXO PA REKLAMA!

SHKARKO APP

App Store
Google Play

E fundit!

x

ANDORRA-SHQIPËRI/ Çfarë ndodhi në kohë reale

13 Nëntor 2025, 20:34, Sport CNA

ANDORRA-SHQIPËRI/ Çfarë ndodhi në kohë reale

Mbrëmjen e kësaj të enjte, Kombëtarja shqiptare luan një ndeshje shumë të rëndësishme. Kuqezinjtë e drejtuar nga Silvinjo, përballen me Andorrën, në duelin e vlefshëm për kualifikueset e Botërorit.

Takimi merr rëndësi të veçantë, pasi për herë të parë në histori, Shqipëria ka mundësinë të marrë pjesë në një “play off”, që mund të dërgojë në Botëror.

Kuqezinjtë renditen në vendin e dytë në grupin K, me 11 pikë, një më shumë  se Serbia e vendit të tretë dhe 7 më pak se Anglia kryesuese.

ANDORRA-SHQIPËRI 0-1

KOMENTI LIVE

Mbyllet sfida! Shqipëria fiton 1-0 ndaj Andorrës.

90’- Akordohen 3 minuta shtesë.

83’- Pavarësisht avantazhit, Shqipëria vazhdon të kërkojë golin e dytë dhe të sigurisë.

77’- Largohet Rey Manaj i dëmtuar. Në fushë Indrit Tuci.

73’– I pafat Rey Manaj. Sulmuesi devijon gjuajtjen e Bajarmit, por topi shkon ngjitur me shtyllën.  

67’- Goooool Shqipëria 0-1! Shpërthen festa kuqezi. Kristjan Asllani zhbllokon takimin, pas një kundërsulmi të shpejtë.

63’- Aksion i bukur nga e majta, mes Asllanit dhe Hoxhës. Krosimi ndalet nga portieri në momentin e fundit.

59’- Dy zëvendësime te Shqipëria. Largohen Broja dhe Laçi, për t’i lënë vendin Uzunit dhe Bajramit.

58’- Moment i diskutueshëm! Manaj ndalet në mënyrë të parregullt, por arbitri sheh një prekje me dorë nga sulmuesi.

52’- Pranë golit Shqipëria. Asllani lëshon një gjuajtje të fortë, e cila grushtohet nga portieri.

50’- Krosim i rrezikshëm nga Asllani në zonë, por nuk shfrytëzohet nga asnjë.

46’- Mundësi e artë shënimi. Hoxha merr një top nga Asllani në zonë, por ndalet në momentin e fundit.

46’- I pafat Gjimshiti. Kapiteni ndalet nga tranversa.

45’- Akordohet një minutë shtesë.

36’- Krosim i Asllanit në zonë. Manaj provon me kokë, por shkon shumë larg portës.

35’- Goditja e parë nga këndi për Shqipërinë. Gjuajtja e Manajt devijohet në këndore.

28’- Vjen rreziku i parë nga Andorra. Tentativë e Rodrigo nga jashtë zone, e cila shkon ngjitur me tranversën.

23’- Krosim i rrezikshëm nga Hoxha në zonë. Topi kalon gjithë pasqyrën e portës, por nuk shfrytëzohet nga asnjë prej lojtarëve të Shqipërisë.

17’- Vjen “shkëndija” e parë. Asllani lëshon një gjuajtje të fortë nga goditja e dënimit, por topi shkon mbi portë.

12’- Mundësia e parë e rrezikshme për Shqipërinë. Manaj merr një top në zonë, rrotullohet shumë mirë, por tentativa ndalet nga mbrojtësi i Andorrës.

10’- Shtyn Andorra, Berat Gjimshiti mbyll një aksion të rrezikshëm.

4’- Shpërthim i Arbër Hoxhës nga e majta. Del portieri, por ndalet në momentin e fundit. Mungojnë ende rastet e rrezikshme.

Starton sfida!





Lajmet e fundit nga