web counter
LEXO PA REKLAMA!

SHKARKO APP

App Store
Google Play

Lëvizje e bujshme! Xhixha drejt transferimit te rivalët e Tiranës, zbulohen prapaskenat

3 Dhjetor 2024, 11:27, Sport CNA

Lëvizje e bujshme! Xhixha drejt transferimit te rivalët e


Redon Xhixha mund të jetë në prag të një rikthimi të bujshëm në Kategorinë Superiore gjatë merkatos së janarit, dhe më konkretisht në kryeqytet, por këtë herë si pjesë e rivalëve të përjetshëm të Tiranës, Partizanit. Sipas raportimeve nga shtypi i shkruar, “Demat e Kuq” janë të interesuar ta huazojnë sulmuesin për pjesën e dytë të sezonit.

Aktualisht pjesë e Qarabag në Azerbajxhan, Xhixha nuk ka gjetur hapësirën e dëshiruar për lojë, çka e shtyn të kërkojë një opsion ku mund të luajë më rregullisht. Një rikthim në Superiore duket të jetë një zgjedhje e natyrshme, pasi ai e njeh mirë këtë kampionat dhe ka shkëlqyer më parë si me Tiranën, ashtu edhe me Laçin.

Xhixha, i cili luan në të gjitha pozicionet e sulmit, do të ishte një armë e fuqishme për trajnerin e Partizanit, Aleksandar Veselinovic, sidomos duke pasur parasysh aftësitë e tij për të shënuar gola në ndeshje kyçe. Kujtojmë se ai ka kontratë me Qarabag deri në qershor të vitit 2026, ndaj huazimi duket të jetë zgjidhja më e mundshme për momentin.

Interesant mbetet fakti se Xhixha ka qenë një protagonist kyç në përballjet mes Tiranës dhe Partizanit, duke i shkaktuar humbjen e fundit rivalëve të kuq në derbi, ku shënoi dy gola në tetor të vitit 2022 për t’i dhënë Tiranës fitoren.

Nëse kjo lëvizje realizohet, ajo mund të jetë një nga transferimet më të rëndësishme të janarit në futbollin shqiptar.





Lajmet e fundit nga