E fundit!

08:16 Aktualitet

Zjarr në fushën e mbetjeve në Krujë/ Tymi toksik përfshin zonën

Fusha e mbetjeve në Krujë është përfshirë nga flakët që ng...

ZYRTARE/ Largim pas 20 vitesh, Arnold zbulon të ardhmen

5 Maj 2025, 14:24, Sport CNA

Trent Alexander-Arnold do të largohet nga Liverpool-i në përfundim të këtij sezoni. Lajmi është konfirmuar nga vetë klubi anglez përmes një deklarate zyrtare, ku bëhet e ditur se mbrojtësi anglez nuk do të rinovojë kontratën e tij, e cila skadon më 30 qershor 2025.

Destinacioni i tij i ardhshëm do të jetë Real Madrid-i, me të cilët lojtari ka arritur marrëveshjen pas një periudhe reflektimi mbi të ardhmen e tij.

Në deklaratën e tij, Alexander-Arnold thekson se vendimi për t’u larguar nuk ka qenë i lehtë, por vjen pas një periudhe të gjatë përkushtimi ndaj klubit.

Mbrojtësi thekson se pas 20 vitesh me Liverpool-in, ndien se ka ardhur momenti për një ndryshim dhe një sfidë të re, si në aspektin profesional ashtu edhe në atë personal.

“Para së gjithash dua të them se ky nuk ka qenë një vendim i lehtë. Jam menduar shumë. Kam qenë këtu prej 20 vitesh. E kam dashur çdo minutë këtu. Kam arritur të gjitha ëndrrat e mia dhe kam arritur ato që kam ëndërruar. Pasi kam dhënë gjithçka për 20 vite, mendoj se kam arritur në një pikë ku kam nevojë për një ndryshim. Më duhet një sfidë e re për veten tim, si lojtar dhe si person. Mendoj se tani është koha e duhur për ta bërë këtë”, u shpreh Arnold.

Për tifozët Liverpool-it, lojtari ka shprehur falënderime për mbështetjen e vazhdueshme ndër vite, duke theksuar se e ka ndier gjithmonë dashurinë dhe përkushtimin e tyre.

Në fund anglezi tha dhënë gjithçka për klubin dhe shpreson që kjo të jetë ndier edhe nga ata që e kanë ndjekur në çdo hap të karrierës së tij në "Anfield".

Alexander-Arnold është pjesë e Liverpool-it që nga mosha gjashtëvjeçare, kur u bashkua me akademinë e klubit. 26-vjeçari ka kaluar në të gjitha nivelet e grupmoshave deri në debutimin me skuadrën e parë në vitin 2016.

Gjatë nëntë sezoneve me ekipin e parë, ka grumbulluar gjithsej 352 paraqitje, duke shënuar 23 gola dhe duke fituar tetë trofe, përfshirë titullin e Premier League të këtij sezoni.