web counter
LEXO PA REKLAMA!

SHKARKO APP

App Store
Google Play

E fundit!

x

Vendos një gol, Napoli i “lë targën” Interit dhe i afrohet titullit

3 Maj 2025, 20:13, Sport CNA

Vendos një gol, Napoli i “lë targën” Interit dhe i

Napoli është gjithnjë dhe më afër titullit kampion. Skuadra e drejtuar nga Antonio Conte regjistroi fitoren e katërt radhazi në Serinë A, duke blinduar vendin e parë në renditje.

Të kaltrit triumfuan minimalisht ndaj Lecces në transfertë. Napolitanët e nisën ndeshjen në sulm nga fillimi, duke kërkuar me ngulm golin e avantazhit.

Pas vetëm 2 minutave lojë, Romelu Lukaku zhbllokoi takimin, por goli i tij u anulua për pozicion jashtë loje.

Golin e vetëm dhe të fitores për Napolin e shënoi Raspadori, në minutën e 24-t. Sulmuesi italian ekzekutoi në mënyrë të shkëlqyer një goditje dënimi, duke e ndalur topin në rrjetë.

Ky gol, vulosi gjithë takimin, duke e afruar skuadrën e Contes me titullin kampion.

Me këtë sukses, Napoli mban vendin e parë në renditje me 77 pikë, ndërsa ndiqet nga Interi, me zikaltërit që nuk e kanë më në dorë fatin e tyre.  

Në krahun tjetër, Lecce vazhdon të luftojë për mbijetesën, pasi mban vendin e 17-të me 27 pikë të grumbulluara.

Më herët, Como triumfoi minimalisht ndaj Parmës në transfertë. Pas pjesës së parë të mbyllur pa gola, në të dytën, i përhershmi Strefeza zhbllokoi takimin.

Këtë avantazh, Como e ruajti deri në fund, për të marrë fitoren e pestë radhazi. Skuadra e Fabregas mban vendin e 10-të në renditje me 45 pikë të grumbulluara, ndërsa Parma renditet në vendin e 16-të dhe vazhdon luftën për mbijetesë.

Fitore regjistroi edhe Udinese, që mposhti 2-1 skuadrën e Kaljarit në transfertë. Pjesa e parë u mbyll në barazim 1-1, pas golave të Zarraga dhe Zortea.

Në fraksionin e dytë, ishte Kristensen që shënoi golin e fitores për bardhezinjtë. Udinese mban vendin e 12-të me 44 pikë, ndërsa Kaljari renditet në vendin e 14-të me 33 pikë.





Lajmet e fundit nga