web counter
LEXO PA REKLAMA!

SHKARKO APP

App Store
Google Play

I zhgënjyer nga Silvinjo, Muçi shkëlqen në Turqi

4 Prill 2025, 15:55, Sport CNA

I zhgënjyer nga Silvinjo, Muçi shkëlqen në Turqi

Pas një pritjeje prej dy muajsh, Ernest Muçi i është rikthyer golit, duke treguar edhe një herë vlerat e tij si një sulmues me instinkt të theksuar për finalizim. Në sfidën e zhvilluar kundër Goztepe, në kuadër të Kupës së Turqisë, futbollisti shqiptar shënoi një gol të bukur, pavarësisht se Beshiktashi nuk arriti të siguronte kualifikimin për në gjysmëfinale.

Sfida nisi me një ritëm të lartë dhe Muçi kishte shansin e parë të artë për të kaluar ekipin e tij në avantazh që në minutat e para të takimit.

Një goditje potente e tij u ndal nga traversa, me futbollistin kuqezi që kishte rikuperuar topin në afërsi të zonës. Megjithatë, ai nuk u dorëzua. Në minutën e 30-të, një aksion perfekt i ndërtuar nga shokët e skuadrës u kurorëzua me një pasim të zgjuar nga Rafa Silva, i cili e nxori Muçin përballë portierit kundërshtar. Me qetësi dhe saktësi, sulmuesi 24-vjeçar nuk fali dhe dërgoi topin në rrjetë, duke bërë që të shpërthejë festa për këtë.

Gjithsesi pavarësisht përpjekjeve dhe formës së mirë personale, goli i Muçit nuk mjaftoi që skuadra e tij të shmangte eliminimin. Beshiktashi u mposht me shifrat 1-3.

Ky gol vjen në një moment të vështirë për Muçin dhe karrierën e tij. Sulmuesi ishte i grumbulluar nga trajneri Silvinjo për dy ndeshjet ndaj Anglisë dhe Andorrës, por nuk u aktivizua asnjë minutë, duke u larguar i zhgënjyer nga grumbullimi.

 





Lajmet e fundit nga