web counter
LEXO PA REKLAMA!

SHKARKO APP

App Store
Google Play

E fundit!

x

La Liga "bllokon" Barcelonën, shpërthen keq Laporta: Do jemi të ashpër, po na dëmtojnë jashtë fushe

2 Prill 2025, 19:21, Sport CNA

La Liga "bllokon" Barcelonën, shpërthen keq Laporta: Do jemi

Përplasja mes Barcelonës dhe La Ligës është ndezur sërish, këtë herë për shkak të një konflikti të ashpër mbi regjistrimin e Dani Olmo dhe Pau Victor. Organizmi që drejton futbollin spanjoll ka akuzuar hapur klubin katalanas për manipulimin e bilanceve financiare për të anashkaluar rregullat e Fair Play Financiar, duke krijuar një situatë me pasoja të mëdha për të ardhmen e lojtarëve dhe të klubit.

Gjithçka nisi në fund të vitit 2024, kur Barcelona u përpoq të regjistronte në listën e lojtarëve të saj Dani Olmo dhe Pau Victor, të cilët deri atëherë kishin zënë vendin e lojtarëve të dëmtuar. Megjithatë, La Liga e ndaloi këtë operacion, duke pretenduar se Barcelona, për shkak të kufizimeve të Fair Play Financiar, nuk mund të regjistronte lojtarë të rinj.

Në përgjigje, klubi katalanas u përpoq të gjente një rrugë alternative duke përfshirë në bilanc rreth 100 milionë euro nga shitja e zonave VIP në stadiumin e rinovuar Camp Nou. La Liga e konsideroi këtë veprim si të pajustifikuar dhe refuzoi regjistrimin e lojtarëve.

Në këtë pikë, Barcelona iu drejtua një organi qeveritar, Këshillit të Lartë të Sportit, i cili miratoi regjistrimin e Olmo dhe Viktor, duke njohur të ardhurat e pretenduara nga shitja e zonave VIP si të ligjshme. Përballë këtij vendimi, La Liga u detyrua të pranonte përkohësisht regjistrimin e dy lojtarëve.

Por, historia nuk përfundoi këtu. Pas miratimit të regjistrimit të lojtarëve, La Liga nisi një rishikim të hollësishëm të bilanceve të Barcelonës, duke zbuluar se 100 milionë eurot e pretenduara nga klubi nuk figuronin realisht në llogaritë financiare. Për këtë arsye, La Liga vendosi të ulë kufirin e pagave për skuadrën e Barcelonës, duke ndaluar mundësinë e regjistrimit të mëtejshëm të lojtarëve të rinj.

Si rezultat, regjistrimi i Dani Olmo dhe Pau Viktor është bërë sërish i pasigurt, dhe La Liga ka kërcënuar me pezullimin e tyre deri në fund të sezonit.

Akuzat e rënda nga La Liga shkaktuan një reagim të ashpër nga presidenti i Barcelonës, Joan Laporta, i cili hodhi poshtë pretendimet e organizmit që drejton futbollin spanjoll, duke e akuzuar atë për përndjekje politike ndaj klubit katalanas.

“Do t’i përgjigjemi La Ligës në mënyrë të ashpër! Nuk mund të na mposhtin në fushë, kështu që po përpiqen të na dëmtojnë jashtë saj. La Liga e kishte miratuar regjistrimin e Pau Viktor dhe Dani Olmo dhe tani ka ndryshuar mendje? Kjo tregon që ata kanë bërë një punë të keqe kur e pranuan atë fillimisht. La Liga del me këtë deklaratë para një ndeshje shumë të rëndësishme siç është ajo ndaj Atletico Madrid në Kupë. Sa e çuditshme! Kjo është një përpjekje për të na dëmtuar në momentet kyçe të sezonit”, deklaroi Laporta.

Përplasja mes Barcelonës dhe La Ligës mund të ketë pasoja serioze për klubin katalanas. Nëse vendimi për uljen e kufirit të pagave nuk ndryshon, atëherë Barcelona nuk do të mund të regjistrojë lojtarë të rinj në verë, duke vështirësuar edhe më shumë planet e saj për merkaton dhe konkurrencën në nivelin më të lartë.





Lajmet e fundit nga