E fundit!

12:41 Aktualitet

Skandali me ekspozitat ndërkombëtare të Ramës/ PD kërkon transparencë për financimin e tyre

Zëdhënësja për Antikorrupsionin në PD, Genta Vangjeli ka k...

Gol dhe asist, Neymar: Nuk jam ende në maksimum

17 Shkurt 2025, 18:55, Sport CNA

Neymar shënoi golin e parë me fanellën e Santos, në fitoren 3-1 ndaj Agua Santa. Sulmuesi brazilian ishte protagonist absolut në këtë përballje, duke treguar se ende ka shumë për të dhënë në futbollin brazilian.

Në minutën e 14-të, 33-vjeçari fitoi penallti pas një driblimi të shpejtë në zonën kundërshtare. Vetë Neymar mori përsipër ekzekutimin dhe me një goditje të saktë e dërgoi topin në rrjetë, për të kaluar Santosin në avantazh.

Neymar u shfaq sërish protagonist në minutën e 70-të, këtë herë si asistues. Pas një aksioni të shpejtë ai dha një pasim perfekt për Guilherme, i cili nuk gaboi përballë portierit dhe vulosi rezultatin 3-1.

Pas golit dhe asistit, Neymar u shfaq shumë i lumtur, duke thënë se nuk është ende në maksimumin e tij, por po kap formën.

“Mos u shqetësoni. Duhet të qëndrojmë të qetë. Ky është vetëm fillimi i një epoke të madhe për Santos. Nuk doja të firmosja një kontratë të gjatë, sepse nuk e dija nëse do të kthehesha, nuk e dija se si do të ndihesha duke luajtur. Unë mendoj se çdo gjë mund të ndodhë. Kontratën që bëmë, e bëmë duke menduar jo vetëm mes nesh të dyve. Njëri po ndihmon tjetrin. Santos po më ndihmon, më ka hapur dyert për të rizbuluar futbollin dhe gëzimin.

Santos e di dashurinë që kam për këtë klub, respektin që kam. Ndërsa jam në fushë, ku më pëlqen të jem më shumë, do të jap 100%. Jam i kënaqur me ndeshjen që luajtëm, të gjithë duhet të jenë të lumtur. Ndihem i lumtur sepse po luaj gjithnjë e më shumë minuta, po përmirësohem fizikisht. Është e qartë që nuk jam ende 100% sepse kam luajtur vetëm katër ndeshje, por jam duke u përmirësuar”, deklaroi sulmuesi.

Ky ishte takimi i katërt i Neymar me fanellën e Santos që prej rikthimit nga Al Hilal gjatë merkatos së dimrit.

Pas një periudhe me dëmtime dhe vështirësi në Arabinë Saudite, duket se Neymar ka rigjetur formën e tij më të mirë në vendlindje.