web counter
LEXO PA REKLAMA!

SHKARKO APP

App Store
Google Play

Foda: Nuk kam qenë kurrë në Islandë, do të kalojmë në Ligën B

22 Nëntor 2024, 15:01, Sport CNA
Foda: Nuk kam qenë kurrë në Islandë, do të kalojmë
Franco Foda

Trajneri i përfaqësueses së Kosovës dha një prononcim për mediet pas shortit të hedhur në Nyon të Zvicrës për ndeshjet e Ligës së Kombeve, për fazën e "play off"-it, çerekfinale dhe gjysmëfinale.

Kosova do të përballet në "play off" me Islandën, me “Dardanët” që do tentojnë ngjitjen në Ligën B.

Duke folur për mediet pas hedhjes së shortit, trajneri i Kosovës, Franco Foda u shpreh se e di që Islanda është kundërshtar i fortë, por shanset sipas tij janë 50 me 50.

“Jemi të lumtur për ndeshjen që na pret kundër Islandës. Unë personalisht nuk kam qenë kurrë në Islandë, por di që kanë një skuadër të fortë, por edhe ne jemi në një formë shumë të mirë, në një gjendje po ashtu shumë të mirë. Shanset janë 50 me 50 dhe ne si Kosovë do të bëjmë gjithçka për të kaluar në Ligën B”-u shpreh Foda.

Ndeshjet mes Kosovës dhe Islandës do të zhvillohen në datat 20 dhe 23 mars 2025, me takim e parë që do të luhet në Prishtinë, me “Dardanët” si ekip pritës.

“Dardanët” do tentojnë që të bëjnë maksimumin, për t’u ngjitur në Ligën B të Ligës së Kombeve./CNA





Lajmet e fundit nga