web counter
LEXO PA REKLAMA!

SHKARKO APP

App Store
Google Play

Liga e Kombeve/ Kosova përballë Islandës në "play off", kë favorizojnë statistikat?

22 Nëntor 2024, 13:04, Sport CNA
Liga e Kombeve/ Kosova përballë Islandës në "play
Kosova

Këtë të premte në Nyon të Zvicrës u hodh shorti i Ligës së Kombeve për fazën e "play off"-it.

Përfaqësuesja e futbollit të Kosovës u njoh me kundërshtarin që do duhet të kalojë në "play off"-it, për të siguruar ngjitjen në Ligën B.

Shorti e vendosi Kosovën përballë Islandës, një skuadër me të cilën është ndeshur më parë në eliminatoret e Kupës së Botës 2018.

Sa u përket ndeshjeve të mëparshme mes këtyre dy ekipeve, statistikat flasin mirë për skuadrën nordike.

Islanda i ka fituar të dyja ndeshjet me Kosovën, me takimin e luajtur në Shkodër që u mbyll me rezultatin 1-2, teksa ndeshjen në transfertë, në atë kohë “Dardanët” e humbën me rezultatin 2-0.

Megjithatë, vlen të theksohet se Kosova ka përparuar shumë si ekip së fundmi, duke u bërë një grup më solid, që zhvillon lojë të bukur dhe mbi të gjitha që do të fitojë, ndaj dhe në "play off" përballë Islandës pritet të bëjë mirë.

Ndeshjet mes Kosovës dhe Islandës do të zhvillohen në datat 20 dhe 23 mars 2025, me takim e parë që do të luhet në Prishtinë, me “Dardanët” si ekip pritës./CNA

Liga e Kombeve/ Kosova përballë Islandës në "play





Lajmet e fundit nga