web counter
LEXO PA REKLAMA!

SHKARKO APP

App Store
Google Play

Fitorja ndaj Laçit, Gvozdenoviç: Ishim shumë të stresuar

21 Shtator 2024, 20:32, Sport CNA

Fitorja ndaj Laçit, Gvozdenoviç: Ishim shumë të stresuar

Trajneri i Skënderbeut, Ivan Gvozdenovic, u shfaq shumë i lumtur pas fitores 2-1 ndaj Laçit.

Tekniku i korçarëve, deklaroi se kishte shumë stres gjatë kësaj periudhe, por skuadra ia doli të reagojë.

"Sot ishte e vështirë për ne, kishim nevojë për pikët. Ishim të stresuar deri në ngërç, por prapë treguam cilësi. Ishte moment i vështirë, por djemtë treguan mentalitetin e tyre. Ndeshja mund të mbyllej me rastin e Rashicës, sepse ishte aksion i bukur dhe rast i pastër. Në ndeshje, kur është lojtari përballë portierit dhe kur kemi nevojë për pikët, një sulmues duhet të reagojë më mirë. Rashica është lojtar shumë i mirë, por akoma s’është pjekur si duhet.

Jemi të lumtur për 3 pikët, por mund të rregullojmë shumë gjëra brenda. Sot s’mund të them që ishte lojë e bukur, por ishim fokusuar vetëm te pikët. Mirë është të vazhdojmë me fitore dhe tani kemi një besim më të madh. Ramos është lojtar i mirë, pjesë e Skënderbeut; kemi 25 lojtarë dhe për mua është e vështirë t’i përzgjedh, sepse çdo javë 4 lojtarë duhet të ngelen jashtë. Unë si trajner mund të kem nevojë për 4 në mbrojtje ose 4 në sulm, dhe pastaj vendos stafi. Luco sot luajti shumë mirë, shënoi një gol dhe kjo ishte pozitive, çdo javë kush e meriton do luajë. Çdo ndeshje ka presion dhe është si një motiv që të ecësh përpara. Prapë do kemi presion kundër Tiranës, pas Tiranës kemi ndeshjen brenda me Egnatian. Deri në fund të kampionatit gara është e fortë."





Lajmet e fundit nga