web counter
LEXO PA REKLAMA!

SHKARKO APP

App Store
Google Play

“Final Four”/ Presidenti Duka takon arbitrat e ndeshjeve

15 Maj 2026, 16:17, Sport CNA

“Final Four”/ Presidenti Duka takon arbitrat e ndeshjeve

Në prag të nisjes së fazës “Final Four” në Superiore, në “Shtëpinë e Futbollit” u zhvillua një takim me grupin e arbitrave, asistentëve dhe arbitrat VAR të përzgjedhur për ndeshjet vendimtare të sezonit.

Në këtë takim ishte i pranishëm edhe Presidenti i FSHF-së, Armand Duka, i cili vlerësoi rëndësinë e kësaj faze finale dhe rolin e arbitrimit në garantimin e standardeve më të larta sportive.

Sektori i Arbitrimit ka përzgjedhur një grup arbitrash dhe asistentësh me eksperiencë për të drejtuar ndeshjet e “Final Four”, ndërsa gjatë takimit u diskutua mbi rëndësinë dhe përgjegjësinë që mbart kjo fazë e kampionatit, duke pasur parasysh formatin dhe nivelin e lartë konkurrues të saj.

Fokusi i mbledhjes ishte edhe në aspektin teknik të vendimmarrjes në fushë. Gjatë analizës u diskutuan disa raste dhe situata të ndryshme të arbitrimit, të cilat kanë qenë objekt komentesh dhe diskutimesh jo vetëm në Superiore, por edhe në kampionate të ndryshme ndërkombëtare.

Nëpërmjet këtyre takimeve teknike dhe përgatitore, FSHF synon të garantojë standarde sa më të larta organizimi dhe arbitrimi për ndeshjet e “Final Four”, që pritet të sjellin emocione dhe rivalitet të fortë në stadiumin “Air Albania”.





Lajmet e fundit nga