E fundit!

15:16 Aktualitet

Komunikimi me Ramën dhe kërcënimi nga Bajrat/ Koçeku flet për largimin nga Grupi i PS-së

Deputetja Marjana Koçeku ka folur ditën e sotme lidhur me ...

Ekskluzive/ Kollçaku "kërcënon" ekipet e Superiores: Po vjen Skënderbeu im!

18 Prill 2023, 14:55, Sport CNA

Ekskluzive/ Kollçaku "kërcënon" ekipet e Superiores:

Ardjan Kollçaku dhe Ardjan Takaj

Ardian Kollçaku, njeriu që solli vizionin europian te Skënderbeu dhe riktheu ëndrrën e tij për një qytet të tërë, flet për CNA.al. Kollçaku ka qenë zëvendëspresidenti i Skënderbeut, pavarësisht se meritat e tij i ka marrë dikush tjetër, por është njeriu që me skemat, idetë dhe me blerjet e tij apo investimin e fuqishëm që bëri tek ekipi i Skënderbeut dikur e çoi atë në nivelet më të larta europiane. Largimi i Kollçakut solli dhe problematika dhe rënien e ekipit juglindor në Kategorinë e Parë, por tani mesa duket ai është rikthyer. Në një prononcim për CNA.al, ai ka kërcënuar hapur Superioren duke thënë se tashmë ekipet e Superiores duhet të mbledhin mendjen.

“Po vjen Skënderbeu im. Po vjen ekipi im kampion, të cilin unë e kam ndërtuar me një vizion të qartë, që duan apo nuk duan rivalët tanë, ne do ta çojmë në Kupat e Europës. Ndëshkimi që na ka dhënë UEFA shumë shpejt mund të hiqet dhe ne do të jemi me vizionin tonë europian në Superiore për t’ju treguar edhe një herë se ne dimë të fitojmë, të luajmë futboll të bukur dhe të mbledhim së bashku sërish qyetarët e Korçës për të festuar bashkë me ne një Skënderbe që do të jetë një ekip për Champions. E them me siguri, se ne do të ndërtojmë një ekip kampion dhe kjo po duket që tani.

Ardjan Kollçaku duke festuar titullin kampion me lojtarët e Skënderbeut

Sjellja që unë i bëra trajnerit Gvozdenovi?, të cilin unë personalisht këmbëngula që të vihej në drejtimin e ekipit dha frytet e para. Kam luftuar kudo edhe në bord dhe fitova.

Tashmë nuk na ngelet gjë tjetër vetëm në verë të bëjmë një merkato të fuqishme, ku do të hidhen qindra miliona lekë si investim për të ndërtuar një ekip spektakolar, një ekip ëndrrash të papërsëritshme.

Unë do të sjell një Skënderbe që kur ta shikojnë do të mahniten të gjithë. Do të jetë Skënderbeu më i mirë i të gjitha kohërave. Ata që e shkatërruan ekipin duhet të mbajnë përgjegjësi.

Ata që e prishën këtë skuadër ishin kundër vizionit tim. Por vizioni im është ky Skënderbeu europian dhe unë me skemat e mia si një drejtues vizionar, jo thjesht dhe vetëm në kolltukun e zëvendëspresidentit apo drejtuesit të klubit. Jo!

Por si trajner, si president, si drejtor, si vetë futbollist, do të jem në fushë bashkë me çunat, bashkë me skuadrën deri në momentin që ne do të shkojmë në Kupat e Europës dhe do t’i tregojmë futbollit europian se kush është Skënderbeu.

Ardian Kollçaku

Skënderberu im, ai Skënderbe që me shpatë në dorë ka fituar betejat, siç do të jetë edhe beteja e ekipit të futbollit korçar me top në këmbë do të fitojë dhe do të sjellë rezultate të papërsëritshme për këdo që është gëzuar nga ndëshkimi që ne morëm, por ne ndëshkimin dhe dhimbjen do ta kthejmë në forcë.

Në forcën e fitores me vizionin tim, me këmbënguljen time, me gjithçka që unë di të bëj, të ndërtoj një Skënderbe europian. Këtë e kam treguar me prova, e tregova vite më parë dhe do ta tregoj sërish tani. Dhe i vetëm do t’ia dal që të mposht këdo që do të kemi përballë për të pasur një Skënderbe spektakolar me vizionin tim për t’i thënë Superiores po vjen Skënderbeu im, kujdes gjeni vrimë ku të futeni”, ka thënë Kollçaku për CNA.al/ CNA.al