web counter
LEXO PA REKLAMA!

SHKARKO APP

App Store
Google Play

“E dinte se ishte takimi i fundit”, ish-trajneri i Shqipërisë: Vialli kreu një akt dashurie

7 Janar 2023, 12:28, Sport CNA

Gianluca Vialli nuk ia doli dot të fitonte betejën me sëmundjen e keqe në pankreas, nga e cila vuante prej vitit 2017. Ish-sulmuesi ikonik italian ndërroi jetë në moshën 58-vjeçare në një klinikë në Londër, vend ku jetonte prej kohësh dhe ku verën e një viti më parë fitoi "Euro 2020" bashkë me Roberto Mancinin, “binjakun” e golit. Ishte 58 vjeç kur mbylli sytë për herë të fundit.

Vialli ishte protagonist në titullin e parë dhe të vetëm të fituar nga Sampdoria (1991), udhëhoqi Juventusin si kapiten në triumfin e fundit në Champion (1996), ndërkohë që fitoi trofe edhe te Chelsea, klub ku gjatë një periudhe gjashtëmujore ishte trajner dhe futbollist në të njëjtën kohë.

Giuseppe Dossena, ish-mesfushori i Sampdorias që fitoi Serinë A dhe sezonin pasardhës mbërriti deri në finalen e Champions League, ka komentuar vdekjen e mikut të qindra betejave.

“Ishte diçka që për fat të keq e dinim. Kur prezantuam filmin për Sampdorian, ai ndiente dhimbje të mëdha. Gianluca erdhi nga Londra duke e ditur se do të ishte hera e fundit që do na shihte bashkë…

Ai bëri një sakrificë të madhe për të na parë, por në sytë e tij dallohej që e kishte kuptuar që së shpejti do të largohej prej nesh. Ishte një akt i pastër dashurie.

Qëndronte ulur në një cep dhe na vështronte. E dalloi që ne kishim kuptuar gjithçka. Mezi qëndronte në këmbë, nuk ecte dot prej dhimbjeve. Gianluca ishte një person i jashtëzakonshëm.

Ishte tip unifikues, angazhues, ironik dhe shembull për të gjithë. Jam i sigurt që vajzat do të rriten me shembullin e tij”, deklaroi Dossena, i cili drejtoi Kombëtaren shqiptare për një periudhë 3-mujore në vitin 2002.





Lajmet e fundit nga