web counter
LEXO PA REKLAMA!

SHKARKO APP

App Store
Google Play

Frika për largimin e Skukës te Partizani, sulmuesi i Kombëtares shqiptare zbarkon në Tiranë

7 Janar 2023, 09:57, Sport CNA

Tashmë dihet, Xhuliano Skuka është sulmuesi më i kërkuar në kampionatin shqiptar gjatë kësaj periudhe. Dibranin e duan 3 ekipe në Itali, të cilat janë Leçe, Verona dhe Empoli i shqiptarëve. Edhe pse drejtuesit nuk dëshirojnë të largojnë Skukën, pasi kërkojnë që 24-vjeçari të udhëheqë "demat" me golat e tij drejt titullit kampion, përsëri duket e vështirë ta mbajnë sulmuesin.

Në këto kushte nga frika e një largimi të mundshëm, drejtuesit kanë nisur punën për gjetjen e një zëvendësuesi, prandaj kanë menduar të “peshkojnë” në Holandë. Është një sulmues shqiptar që ka tërhequr vëmendjen e të kuqve dhe bëhet fjalë pikërisht për Fabian Shahajn, i cili aktualisht mban veshur fanelën e ADO Den Haag U-21.

Fabian Shahaj duke luajtur per ADO Den Haag U-21
Fabian Shahaj duke luajtur per ADO Den Haag U-21

20-vjeçari shihet me mjaft perspektivë nga drejtuesit e Partizanit, të cilët janë të bindur se me fanellën e kuqe do të mund të tregojë gjithë potencialin e tij si një sulmues qendre. Sipas shtypit të shkruar, Shahaj pritet të zbarkojë së shpejti në Tiranë ku do të nënshkruajë një kontratë huazimi me kryesuesit e kampionatit shqiptar.

Kujtojme se Shahaj ka mbajtur veshur edhe fanellën e Kombëtares shqiptare të U-19 duke qenë kështu një pikë kyç në formacionin e kësaj grupmoshe.





Lajmet e fundit nga