web counter
LEXO PA REKLAMA!

SHKARKO APP

App Store
Google Play

Etrit Berisha, drejt klubit tjetër të Serisë A

7 Janar 2023, 09:40, Sport CNA

E ardhmja e Etrit Berishës mund të jetë përsëri në Serinë A. Portieri i Kombëtares shqiptare është në kërkim të një sistemimi të ri pasi te Torino nuk ka mundësi aktivizimi të rregullt.

Klubi ka bërë të qartë se do t’i besojë Vanja Milinkoviç-Saviç dhe për këtë arsye, Berisha ka kërkuar që të largohet në merkaton e janarit. Fillimisht dukej se ai do ta kishte të pamundur që të luante në Serinë A, pasi për momentin të gjitha vendet ishin të zëna për ata që vlerësohen si portierë titullarë.

Por tani ka dalë në skenë një variant interesant në elitën e futbollit italian. Klubi i Specias po kalon një krizë të pazakontë sa u përket portierëve. Bartlomej Dragovski u dëmtua pak ditë para fillimit të Botërorit dhe nuk ia doli që të merrte pjesë me Poloninë.

Ndërkohë, holandezi Jeroen Zoet u dëmtua në ndeshjen e kësaj jave ndaj Atalantës po në kampionatin italian dhe tashmë kjo bën që Specia të mos ketë një alternativë shumë cilësore mes shtyllave.

Kështu, klubi ka kthyer sytë drejt Berishës, i cili do të ketë mundësinë të aktivizohet rregullisht në pritje të rikuperimit të dy portierëve të Specias, e pse jo, edhe të luftojë që të mbetet ai titullar deri në fund të sezonit në Serinë A.





Lajmet e fundit nga