web counter
LEXO PA REKLAMA!

SHKARKO APP

E fundit!

x

E bujshme nga Italia, Vardy drejt transferimit në Serie A

26 Gusht 2025, 14:53, Sport CNA

E bujshme nga Italia, Vardy drejt transferimit në Serie A

Jamie Vardy mund të transferohet në Itali. Cremonese është në negociata me lojtarin, i cili është i lirë pas largimit nga Leicester.

Sulmuesi 38-vjeçar, një figurë legjendare e klubit anglez, kërkon një aventurë të re, pas 13 viteve te Leicester, ku ishte protagonist i titullit historik në Premier League nën drejtimin e Claudio Ranierit.

Cremonese, që u ngjit në Serie A, shpreson ta bindë Vardy të bëjë hapin drejt futbollit italian. Klubi beson se eksperienca e sulmuesit do të ndihmojë në objektivin e mbijetesës, nën drejtimin e trajnerit Davide Nicola.

Ky i fundit nisi sezonin me një fitore surprizë 2-1 në transfertë ndaj Milan-it. Përveç Vardy-t, Cremonese po punon edhe për të marrë në huazim me të drejtë blerjeje sulmuesin Faris Moumbagna nga Olympique Marseille.

Negociatat janë në zhvillim dhe pritet që ditët e ardhshme të sjellin zhvillime konkrete.





Lajmet e fundit nga