web counter
LEXO PA REKLAMA!

SHKARKO APP

App Store
Google Play

E fundit!

x

Disfata me Egnatian, Veselinovic: Vetëm dy humbje te Partizani, nuk ka si ne në Europë

15 Shkurt 2025, 15:53, Sport CNA

Disfata me Egnatian, Veselinovic: Vetëm dy humbje te Partizani, nuk ka si

Trajneri i Partizanit, Aleksandar Veselinovic nuk e bëri dramë humbjen me Egnatian. Në prononcimin e dhënë pas ndeshjes, tekniku i të kuqve deklaroi se është vetëm humbja e dytë për të në drejtimin e skuadrës.

“Përgëzoj Egnatian për fitoren e merituar, sot ishin kundërshtari më i mirë. Mund të jem i kënaqur për pjesën e parë, mendoj se ishim kompaktë. Kemi humbur mbase dy raste domethënëse, shtyllën me Bintsuka dhe rastin me Mehmetin. Kemi bërë gabime në 5 minutat e para dhe shënuan. Nuk jemi çekuilibruar, kemi vazhduar të luajmë ndaj për pjesën e parë jam i kënaqur, në pjesën e dytë Egnatia ishte shumë më cilësore. Pa hyrë në detaje, goli i dytë është komplet faji ynë. Ato që kanë luajtur sot, ishin lojtarët më të mirë të Partizanit dhe e pranoj që mund të flasim vetëm për ata që kanë qenë në fushë. I falënderoj edhe një herë tifozët për përkrahjen që i bënë ekipit.

Tani është situata që duhet të analizojmë çështjen e gotës, nëse është gjysmë plot apo bosh. Janë situata normale në futboll. Dhe unë po jap një informacion që ndoshta nuk e dini që në 5 muaj e gjysmë që punoj këtu, kjo është humbja e dytë. Nuk jam i sigurt që në gjithë Europën, në gjithë ligat kompetitive që ka një ekip që ka vetëm 2 humbje në kaq kohë. Situata është kjo,  ndeshje pas ndeshje, çdo ndeshje ka diskutimin e vet dhe vazhdojmë përpara”, tha Veselinovic.





Lajmet e fundit nga