web counter
LEXO PA REKLAMA!

SHKARKO APP

App Store
Google Play

E fundit!

x

Derbi i Italisë/ Statistikat e përballjeve Inter-Juventus dhe gjendjet e dy ekipeve

27 Tetor 2024, 10:56, Sport CNA
Derbi i Italisë/ Statistikat e përballjeve Inter-Juventus dhe gjendjet
Inter-Juventus

Derbi i Italisë ndez javën e nëntë të Serie A, me sfidën që luhet në “San Siro” duke nisur nga ora 18:00.

Kjo është një përballje direkte mes dy rivalëve të hershëm, që momentalisht renditen zikaltërit në vend të dytë me 17 pikë, teksa bardhezinjtë në vend të tretë me një pikë më pak.

Inter-i vjen në këtë ndeshje pas disa fitoreve radhazi dhe kërkon që të ruajë trendin.

Ndërsa Juventus-i nga ana tjetër ka pasur pak luhatje në javët e fundit dhe kërkon që të krijojë stabilitet në rezultatet pozitive.

Nëse do t’u referohemi statistikave dhe historisë së takimeve mes këtyre dy skuadrave, Inter-i dhe Juventus-i janë vënë përballë plot 265 herë në të gjitha kompeticionet, ndeshje të cilat 83 janë fituar nga zikaltrit, 66 kanë dalë barazim dhe 116 i kanë fituar bardhezinjtë.

Statistikat e përgjithshme flasin mirë për skuadrën nga Torino, por në pesë ndeshjet e fundit mes tyre në të gjitha kompeticionet situata paraqitet ndryshe, pasi dy i ka fituar ekipi nga Milano, dy kanë dalë barazim dhe një është fituar nga “Zonja e Vjetër”.

Ndërkohë, nëse i rikthehemi edhe njëherë gjendjes së dy skuadrave, trajneri Simone Inzaghi nuk do ketë në dispozicon në këtë ndeshje katër lojtarë Buchanan, Acerbi-n, Calhanoglu-n dhe Carlos Augusto-n.

Nga ana tjetër tekniku Thiago Motta vuan mungesat e Bremer, Douglas Luiz, Gonzalez, Koopmeiners dhe Milik.

Ndërsa na ndajnë edhe disa orë nga Derbi i Italisë, të dyja skuadrat janë duke bërë përgatitjet e fundit për të dhuruar spektakël në “San Siro"-n që do të jetë i tejmbushur këtë të diel./CNA

 





Lajmet e fundit nga