web counter
LEXO PA REKLAMA!

SHKARKO APP

App Store
Google Play

Dalin shifrat, Partizani e tepron me çmimet e biletave për derbin

18 Shtator 2024, 08:31, Sport CNA
Dalin shifrat, Partizani e tepron me çmimet e biletave për derbin
Derbi PartizaniTirana

Derbi Partizani-Tirana është ndeshja më kulminante e javës së gjashtë të Kategorisë Superiore, me dy skuadrat e kryeqytetit që përballen për herë të parë për këtë sezon.

Kjo supersfidë do të luhet të shtunën në orën 20:00 në “Arenën e Demave”, me të kuqtë që kërkojnë të ruajnë ecurinë pozitive, pasi në pesë ndeshje numërojnë tri fitore dhe dy barazime, teksa bardheblutë nga ana tjetër kërkojnë të rikthehen te triufmi ndaj këtij kundërshtari.

Klubet kanë nisur me përgatitjet dhe të njëjtën gjë po bëjnë edhe tifozëritë përkatëse që janë gati të dhurojnë spektakël në tribuna.

Së fundmi kanë dalë në shitje edhe biletat e kësaj përballjeje, me klubin e Partizanit që është pritës në derbi që ka publikuar edhe çmimet.

Ajo që bie në sy është fakti se çmimet e vendosura nga të kuqtë janë goxha të larta me biletat pas porte që kushtojnë 500 lekë, ndërsa "karshia" fillon nga 1000 deri në 1500 lekë, teksa tribuna VIP është e ndarë me 3000, 4000 deri në 5000 lekë./CNA

Dalin shifrat, Partizani e tepron me çmimet e biletave për derbin
Biletat e derbit, Burimi: Partizani




Lajmet e fundit nga