web counter
LEXO PA REKLAMA!

SHKARKO APP

App Store
Google Play

E fundit!

x

Botërori i Fluturimeve në Turqi/ Përfaqësimi i Shqipërisë, shteti me fond qesharak

19 Tetor 2025, 15:44, Sport CNA

Botërori i Fluturimeve në Turqi/ Përfaqësimi i

Ekipi kombëtar i Shqipërisë mori pjesë në Kampionatin e 13-të Botëror të Fluturimeve në Precizion, zhvilluar në Alania të Turqisë.

Në renditjen përfundimtare, Xhonatan Islami u rendit në vendin e 19-të, Blerian Braçe në vendin e 48-të, Denis Miftari në të 85-in, Geri Muça në të 130-in dhe Arbër Haxhiaj në vendin e 134-t.

Arbër Haxhia, për të cilin pritshmëritë ishin të mëdha, ndihmoi ekipin në dy raunde me rezultatet e tij. Geri Muça tregoi përmirësim krahasuar me garat e mëparshme, edhe pse mori pjesë vetëm në aspektin individual.

Denis Miftari kishte përpjekje në fazën finale, duke treguar progres, por ka ende hapësirë për rritje në përqendrim.

Blerian Braçe përfitoi nga ndryshimi i velës, duke qenë vendimtar për pikët e ekipit, megjithëse 6 cm në raundin e tetë e penguan të kalonte në gjysmëfinale. Xhonatan Islami shfaqi qetësi dhe saktësi në uljet në elektronikë, me nevojën për të përmirësuar detajet teknike të vendosjes së këmbës për rezultate më të larta. Në tërësi, ekipi tregoi potencial dhe një bazë të mirë për të ardhmen e këtij sporti në Shqipëri.

Shteti me fond qesharak

Me fonde modeste, shteti shqiptar dhe Ministria e Sporteve, nuk jep as thërrime për këtë sport, ndërkohë që me shpenzimet dhe kostot e tyre, shkojnë dhe zhvillojnë me dhjetëra aktivitete në vit, për këtë sport të veçantë. Më 30 tetor do të jenë në Korçë.

Botërori i Fluturimeve në Turqi/ Përfaqësimi i

Nuk kanë mbështetje nga qeveria, për një sport që është ndërkombëtar dhe një nga sportet më të veçanta. Përdoret jo vetëm për adrenalinë, por edhe për turizmin. Për zhvillimin e këtij sporti, duhet patjetër që shteti shqiptar ta konsiderojë si sportet e tjera, të japë fonde, për të mbështetur këta të rinj, për të krijuar skuadra më të mëdha, me trajnerë, me arbitra dhe me infrastrukturë, që këta e kanë të nevojshme për ta zhvilluar. Jo vetëm në funksion si sport, por edhe për turizmin dhe për ngritjen e flamurit shqiptar.

Buxheti që jep shteti shqiptar është 700 mijë lekë. Se çfarë mund të bëjnë një grup, nuk po themi një ekip i madh, sepse përfaqësimi në Botëror është bërë vetëm me 5 sportistë dhe Alket Islami, ikona e sportit. 7 milionë lekë të vjetra. 3 mijë euro ka bërë vetëm hyrja për të shkuar në Botëror. Kjo shumë vetëm në vit. Ky është buxheti që jep shteti shqiptar. Më shumë se qesharak. Më shumë kanë kushtuar biletat dhe sponsorizimet nga kompani private, sesa buxheti i shtetit shqiptar.

"Leksion" nga Kosova

Ndërkohë Federata e Kosovës, e cila është ndërtuar më vonë se ajo e Shqipërisë, ka një fond prej 200 mijë eurosh në vit dhe në Turqi mori medaljen e bronzit. Ndërkohë e ka ngritur flamurin lartë. Shteti shqiptar vetëm 700 mijë lekë të reja. Ky është ndryshimi.





Lajmet e fundit nga