web counter
LEXO PA REKLAMA!

SHKARKO APP

App Store
Google Play

Miqësia nga virtyti

5 Maj 2024, 22:46, Sociale Lira Gjika

Miqësia nga virtyti

Aristoteli, një nga filozofët më të mëdhenj që ka jetuar ndonjëherë, ka shkruar se miqësia është në themel të njerëzores.

Ai ka emërtuar tri format e saj, nga më e thjeshta që është ajo nga nevoja. Të dytën emërton atë nga kënaqësi dhe të tretën dhe më të rëndësishmen e më të vështirën pasi lidhet direkt me edukimin, cilëson miqësinë nga virtyti. Do të dëshironja shumë që strategjia jonë kombëtare edhe pse quhet strategjia e arsimit ta kishte në themel të saj, zhvillimin e miqësisë nga virtyti.

Çfarë do të thotë të zhillosh miqësinë nga virtutin, që tjetrin mos ta shohësh si kërcënim por si mundësinë për të njohur e zbuluar botën dhe veten jo i vetëm.

Njeriu vjen nga tjetri, pra jetën e kemi nga tjetri. Fjalën e mësojmë ta artikulojë dhe kuptojmë nga tjetri. Edhe emrin na e zgjedh dhe e vendos tjetri dhe kur jemi me tjetrin nuk jemi vetëm.

Është e vërtetë që tjetri mund të jetë edhe kërcënim por jo të gjithë mund të jenë kërcënim.

Është e vërtetë që duke na krahasuar apo vendosur përballë me tjetrin dhe na tregojnë se jemi të dështuar apo nuk bëjmë, ky tjetri bëhet i padëshiruar dhe shpesh ushqejmë një lloj inati si për veten po edhe për këtë tjetrin që rri aty si pasqyrë e dështimit tonë.

Po ky tjetri në fakt nuk ka faj por janë këta njerzit që na rrethojnë e pretendojnë se na duan dhe na vrasin padashje mundësinë e miqësisë nga virtyti. Ju lutem të rritur, prindër e mësues, përpiquni të zhvilloni miqësinë nga virtyti te fëmijët.





Lajmet e fundit nga