Qendër e re shëndetësore në Vorë/ Manastirliu: Drejt përfundimit rehabilitimi i 40 qendrave shëndetësore

7 Dhjetor 2022, 15:21, Shëndeti CNA

Qendër e re shëndetësore në Vorë/ Manastirliu: Drejt

Tiranë 7 Dhjetor- Ministrja e Shëndetësisë dhe Mbrojtjes Sociale, Ogerta Manastirliu, ka inspektuar punimet që po kryhen për rehabilitimin e qendrës shëndetësore Muçaj në Vorë, e cila po rehabilitohet në kuadër të fazës së dytë të programit të 300 qendrave shëndetësore.

“Jemi drejt procesit të përfundimit të 40 qendrave shëndetësore dhe me buxhetin e ri të 2023-shit hapim kantieret për 60 qendrat e tjera shëndetësore. Pra do të kemi 400 qendra shëndetësore të rindërtuara në një kohë kaq të shkurtër, që kanë ndikim të drejtpërdrejtë në cilësinë e shërbimit për 1.5 milionë banorë, investimi i parë i këtyre përmasave në sistemin shëndetësor parësor”- tha Manastirliu.

Duke folur për forcimin e burimeve njerëzore, Manastirliu tha: “Ne jemi të fokusuar dhe po punojmë fort që strukturat tona të Kujdesit Parësor, jo vetëm të përmirësohen nga pikëpamja e infrastrukturës por edhe të fuqizohen nga pikëpamja e burimeve njerëzore.

Ndaj edhe për Tiranën kemi vendosur që brenda këtij viti të kemi shtim në numrit të mjekëve. 10 mjekë të rinj do t’u bashkohen strukturave tona të kujdesit parësor për muajin dhjetor.

E më pas duke filluar nga viti tjetër, pas vlerësimit që është duke realizuar dhe Operatori i Kujdesit Shëndetësor, për riorganizimin e strukturave të kujdesit parësor në të gjithë vendin. Ne do të jemi të fokusuar për të rritur numrin e mjekëve, aty ku ka nevojë dhe dendësia e banorëve pra është e lartë dhe ka nevojë për shtim të numrit të mjekëve dhe gjithashtu edhe të kujdesit infiermeror.

Ministrja e Shëndetësisë dhe Mbrojtjes Sociale foli gjithashtu për shtrirjen e shërbimeve socio-shëndetësore.

“Po shtrijmë shërbime të reja edhe të integrojmë ashtu sikurse kemi filluar shërbimin socio-shëndetësor, në strukturat tona të Kujdesit Parësor. Tashmë edhe pas përfundimit të fazës së parë të rekrutimit të 50 psikologëve, shumë shpejt do të filllojë edhe puna për zbatimin e protokolleve të reja për shërbimin socio-shëndetësor në strukturat e Kujdesit Parësor."- tha Manastirliu.

Qendra shëndetësore Vorë është një nga 40 qendrat e reja që i janë nështruar rehabilitimit këtë vit, e cila ofron shërbim shëndetësor për një komunitet prej rreth 1800 banorësh. Programi i rehabilitimit të qendrave shëndetësore dhe ambulancave ka filluar fazën e dytë të zbatimit, ndërkohë që në mbarë vendin ku përfitues të shërbimeve dinjitoze e me standarde do jenë më shumë se 1,5 milionë qytetarë.

"Jemi këtu me drejtuesit e Qendrës Shëndetësor të Vorës, në ambulancën Mucaj një ambulancë e cila u shërben rreth 1800 banorëve. Dhe e cila po rehabilitohet tashmë për t’u sjellë në kushtet dhe standardet nga më të mirat në kuadër të programit tonë të akreditimit të qendrave shëndetësore dhe ambulancave. Nëpërmjet programit të 300 qendrave shëndetësor tashmë pas finalizimit të tyre kemi hyrë në fazën e dytë.

Ku për vitin 2022 ka filluar puna dhe jemi drejt procesit të përfundimit të 40 qendrave shëndetësore dhe me buxhetin e ri të 2023-shit hapim kantieret për 60 qendrat e tjera shëndetësore.

Sigurisht fokusi ynë përpos investimit në infrastrukturë. Në infrastrukturën e Kujdesit Parësor është zgjerimi I gamës së shërbimeve, zgjerimi I protokolleve të cilat kryejn qendrat shëndetësore të kujdesit parësor, pikërisht për të mundësuar që të kemi më shumë shërbim në familje për ata të cilët nuk kanë mundësi të aksesojnë strukturat e qendrave, pra aty ku ata ndodhen.

Po shtrijmë shërbime të reja edhe të integrojmë ashtu sikurse kemi filluar shërbimin socio-shëndetësor, në strukturat tona të Kujdesit Parësor. Tashmë edhe pas përfundimit të fazës së parë të rekrutimit të 50 psikologëve, shumë shpejt do të filllojë edhe puna për zbatimin e protokolleve të reja për shërbimin socio-shëndetësor në strukturat e Kujdesit Parësor. Ne jemi të fokusuar dhe po punojmë fort që strukturat tona të Kujdesit Parësor, që jo vetëm të përmirësohen nga pikëpamja e infrastrukturës por edhe të fuqizohen nga pikëpamja e burimeve njerëzore.

Ndaj edhe për Tiranën kemi vendosur që brenda këtij viti të kemi shtim në numrit të mjekëve. 10 mjekë të rinj do t’u bashkohen strukturave tona të kujdesit parësor për muajin dhjetor.

E më pas duke filluar nga viti tjetër, pas vlerësimit që është duke realizuar dhe Operatori I Kujdesit Shëndetësor, për riorganizimin e strukturave të kujdesit parësor në të gjithë vendin. Ne do të jemi të fokusuar për të rritur numrin e mjekëve, aty ku ka nevojë dhe dendësia e banorëve pra është e lartë dhe ka nevojë për shtim të numrit të mjekëve dhe gjithashtu edhe të kujdesit infiermeror.

Ajo çfare është dhe dua ta theksoj edhe njëherë është pikërisht kujdesi që ne po tregojmë për të gjithë qytetarët shqiptarë edhe nëse banojnë në qytet edhe nëse banojnë në zona rurale kujdesi është I njëjtë. Standardi I kujdesit parësor është I njëjtë, investimet në qendrat tona shëndetëore nuk kanë më dallim, nëse je në kryeqytet apo nëse je në një zonë rurale. Pra investimi është me të njëjtat standarde dhe gjithashtu edhe kujdesi mjekësor, kujdesi infiermeror është me të njëjtat standarde.

Gjithashtu ne jemi duke I fuqizuar këto standarde, duke rritur kujdesin, duke rritur aksesin dhe duke përmirësuar cilësinë, për të gjithë qytetarët shqiptar. Vetëm nga investimi që ne kemi bërë nëpërmjet programit të 300 qendrave shëndetësore dhe vijimit tashmë me fazën e dytë të këtij programi 1.5 milionë qytetarë shqipëtarë tashmë marrin shërbime më të mira më të aksesueshme, më cilësore në rrjetin tonë të Kujdesit Parësor në Shqipëri."- tha Manastrilu./CNA.al