web counter
LEXO PA REKLAMA!

SHKARKO APP

App Store
Google Play

E fundit!

x

Dita Botërore e Luftës Kundër HIV/AIDS

1 Dhjetor 2022, 09:08, Shëndeti CNA

Dita Botërore e Luftës Kundër HIV/AIDS

E vendosur që në vitin 1988, 1 dhjetori është një ditë reflektimi dhe përpjekjesh, jo vetëm për të ndihmuar njerëzit e prekur nga virusi HIV, por edhe për t’u angazhuar në luftën kundër përhapjes së mëtejshme të këtij virusi vdekjeprurës.

Kjo ditë është një mundësi për të shpërndarë informacion lidhur me situatën e kësaj pandemie dhe për të inkurajuar përparimin në parandalimin, trajtimin dhe kujdesin ndaj HIV/AIDS-it në të gjithë botën, veçanërisht në vendet me prevalencë të lartë.

HIV-AIDS mbetet një nga sfidat e shekullit, jo vetëm në Shqipëri, por për në mbarë botën.

Që nga fillimi i shpërthimit të HIV, rreth 79.3 milionë njerëz janë infektuar me HIV dhe 36.3 milionë kanë vdekur nga sëmundjet e lidhura me SIDA-n.

1 milion është numri i personave që vdesin çdo vit në botë nga HIV, sepse nuk e dinë që kanë HIV dhe nuk marrin mjekim, ose e fillojnë mjekimin me vonesë.

Dita Botërore e Luftës Kundër HIV/AIDS-it u propozua fillimisht në muajin gusht të vitit 1987 nga Thomas Netter dhe James W. Bunn, të dy zyrtarë të informimit publik për Programin Global të HIV/AIDS-it në Organizatën Botërore të shëndetësisë, në Gjenevë.

Kjo ditë është një mundësi për partnerët publikë dhe privatë që të rrisin ndërgjegjësimin për pandeminë dhe të inkurajojnë progresin e bërë në parandalimin, trajtimin dhe kujdesin ndaj HIV dhe AIDS anembanë botës.

1 dhjetori është bërë një nga ditët më të njohura ndërkombëtare të shëndetit dhe një mundësi kyçe për të rritur ndërgjegjësimin për të kujtuar ata që kanë humbur jetën dhe për të festuar arritjet, siç është rritja e qasjes ndaj shërbimeve të trajtuara./CNA.al





Lajmet e fundit nga