web counter
LEXO PA REKLAMA!

SHKARKO APP

App Store
Google Play

E fundit!

x

Problemet e një 50-vjeçari

23 Janar 2024, 12:26, Shëndeti Ilir Allkja
Problemet e një 50-vjeçari
Foto ilustruese

Çdo burrë që kapërcen moshën 50 vjeç, duhet të bëjë disa planifikime për vitet më tej, jo vetëm me paratë, por edhe me shëndetin. Unë do t'ju tregoj disa gjëra që ju ndihmojnë për t'u ndier më të rinj, për të qëndruar të shëndetshëm dhe për të shtuar vite në jetën tuaj.

Me sjelljet tuaja ju mund të zvogëloni rrezikun për sëmundje serioze, kështu ju mund të keni energji më të madhe fizike, mendore dhe seksuale.

Në fakt, ju nuk keni pse të stërviteni si për qamet ose të mbani një dietë të jashtëzakonshme për të arritur këto qëllime.
Nëse doni të zvogëloni rrezikun e një goditjeje në zemër, në tru ose të rrisni rezistencën dhe fuqinë tuaj, unë dua t'ju tregoj hapat dhe strategjitë e thjeshta që mund t'ju ndihmojnë të bëni një ndryshim të qëndrueshëm në jetën tuaj .

Mënjanoni mishin e kuq, mishin e procesuar, ëmbëlsirat, brumërat, pijet industriale etj., kështu ju ulni shanset tuaja për kancer të zorrës së trashë deri në 30 deri 50%.

Në qoftë se ju filloni ushtrime fizike mbi 30 minuta çdo ditë, ju mund të ulni rrezikun për sklerozë, demencë, alzheimer deri në 50%.

Ju gjithashtu do të zvogëloni rrezikun e sëmundjeve të zemrës, tensionin e gjakut, sheqerin në gjak, pa ilaçe.

7 zakonet e jetës që duhen ndryshuar:


1) Ndaloni pirjen e duhanit.
2) Ushqehuni më mirë.
3) Bëni jetë aktive.
4) Humbni peshë.
5) Menaxhoni tensionin e gjakut.
6) Kontrolloni kolesterolin tuaj.
7) Ulni sheqerin në gjak.
Fillojeni me një ndryshim të vogël.

Bëni një ndryshim të vogël në dietën tuaj. Disa sugjerime: Ndërrojeni mishin me fasule, thjerrëza, bizele, bathë etj.
Hani një fetë bukë me drithëra në vend të bukës së bardhë. Provoni një perime që nuk e keni pasur kurrë më parë. Unë ju këshilloj lakrat e të gjitha llojeve të gatuara në mënyra të ndryshme.

Bëni ushtrime që rrisin numrin e rrahjeve të zemrës për mbi 30 minuta. Mësoni "numrat" tuaj. Përdorni peshën dhe lartësinë tuaj për të llogaritur indeksin e masës trupore.

Matni tensionin e gjakut (nëpër farmaci kanë, por mund ta blini një aparat për në shtëpi). Kontrolloni analizat tuaja mjekësore, të cilat duhet të përfshijnë kolesterolin dhe sheqerin esëll në gjak.
Disa standarde:
- Indeksi i masës trupore ndërmjet 18.5 dhe 25 (shih këtë llogaritës BMI)
- Presioni i gjakut nën 120/80 mm/Hg
- Kolesteroli total prej më pak se 200 mg/dL
- Sheqeri në gjak esëll (glukoza) nën 110 mg/dl.
  Kujdesuni për veten!/CNA





Lajmet e fundit nga