Dëshironi një zemër të fortë? Shtoni këto ushqime në pjatën tuaj

11 Mars 2026, 21:54, Shëndeti CNA

Dëshironi një zemër të fortë? Shtoni këto ushqime

Dihet mirë se shëndeti i zemrës është i lidhur dhe me ushqimet që konsumon.

Ushqime të tilla si perimet me gjethe jeshile, drithërat e plota, peshku, arrat, vajrat bimorë, frutat e plota, mishi i ligët, fasulet dhe bishtajoret janë disa nga armët tona natyrale për mbrojtjen e shëndetit kardiovaskular.

Ja disa ushqime që ndihmojnë në mbrojtjen e shëndetit të zemrës:

Vaj ulliri

Vaji i ullirit përmban përqendrimin më të lartë të acideve yndyrore të pangopura, aleatë të zemrës suaj që ndihmojnë në uljen e kolesterolit LDL ("të keq"), duke rritur ato të kolesterolit HDL ("të mirë"). Nuk duhet shumë. Gjysmë luge gjelle në ditë bën mrekulli!

Fasule të zeza

Fasulet e zeza janë të pasura me fibra, të cilat ndihmojnë në ruajtjen e niveleve të shëndetshme të kolesterolit dhe zvogëlojnë rrezikun e sëmundjeve të zemrës, sipas Qendrave Amerikane për Kontrollin dhe Parandalimin e Sëmundjeve (CDC). Ato janë gjithashtu të pasura me proteina, gjë që u jep atyre përcaktimin e një “superushqimi".

Arra

Arrat janë të pasura me acid alfa-linolenik , i cili shndërrohet në lloje të caktuara të acideve yndyrore omega-3 në trup. Acidet yndyrore omega-3 e mbrojnë zemrën në shumë mënyra, siç është ulja e triglicerideve në trup.

Sipas një studimi të botuar së fundmi në Journal of the American College of Cardiology , ngrënia e arrave rregullisht për dy vjet uli një tregues kyç të inflamacionit të lidhur me sëmundjen koronare të zemrës.

Por kini kujdes: Duke qenë se ato kanë shumë kalori, duhet ta kufizoni konsumin e tyre në më pak se një filxhan në javë, edhe pse, përveç përfitimeve të tyre për zemrën, ato ndihmojnë në lehtësimin e stresit .

Salmon

Përveç acideve yndyrore omega-3 të shëndetshme për zemrën, salmoni është gjithashtu i pasur me vitaminë B6, e cila ndihmon në ruajtjen e ekuilibrit të homocisteinës, një aminoacid që, kur rritet, shoqërohet me probleme kardiovaskulare siç janë sindroma akute koronare, sëmundja e arteries koronare dhe ngjarjet tromboembolike. /CNA