web counter
LEXO PA REKLAMA!

SHKARKO APP

App Store
Google Play

Zhupa: Rama po zgjat kontratat për sterilizimin dhe check up-in

13 Nëntor 2024, 11:37, Politikë CNA

Zhupa: Rama po zgjat kontratat për sterilizimin dhe check up-in

Deputetja e PD-së, Ina Zhupa, renditi arsyet pse kryeministri Edi Rama duhet të dëshmojë në Komisionin Hetimor për dy koncesionet në Shëndetësi.

Sipas Zhupës, Rama ka kryer të njëjtat veprime si tek inceneratorët, për të cilët dëshmoi në komisionin hetimor ndërsa refuzon të dëshmojë te komisioni hetimor për sterilizimin dhe check up-in.

Ndër të tjera Zhupa tha se një nga arsyet pse Rama nuk vjen në komision është sepse do të zgjasë kontratën për sterilizimin, check up-in duke dhënë miliona euro deri në 2027.

“Pse i duhet këtij komisioni Edi Rama? Se nuk ka asnjë akt të buxhetit të shtetit të cilat nuk marrin miratimin e Ramës.

Të gjitha marrin miratimin e Ramës dhe kalojnë në hallkat e tjera.

Ndërkohë që ata që sipas përfaqësuesve të mazhorancës që janë fajtorët kryesorë dhe janë në burg nuk kanë fuqi që të zgjasin koncesionet. Nuk kanë fuqi që të japin para nga burgu.

Check up-i duhet të mbarojë në 2025. E dini që janë parashikuar të jepen 9 milionë euro dhe për këtë vit deri në vitin 2027. Kush i bën këto, ai që është në burg? Këto para i jep Edi Rama. Pa Ramën nuk jepet asnjë para. A e dini që Sterilizimi do të duhej të mbyllej në 2025? A e dini që do japin 19 milionë euro. Kush i jep Beqajt e Rrapajt nga burgu, i jep Rama.

Sterilizimi jo vetëm na ka vjedhur, por Rama do t'i japë edhe 40 milionë euro për sterilizimin dhe të mos hetojmë Edi Ramën?”, tha Zhupa./ CNA





Lajmet e fundit nga