E fundit!

17:17 Aktualitet

Konsultimet për ligjin antimafia/ Braho: Nëse zbatohet si duhet, nuk ka nevojë për rregullime

Kreu i Prokurorisë së Posaçme, Klodjan Braho ka marrë pjes...

Buxheti i vitit 2025/ Ministrja Dhuka: Dokument i rëndësishëm në një çast historik për Shqipërinë

12 Nëntor 2024, 09:50, Politikë CNA

Buxheti i vitit 2025/ Ministrja Dhuka: Dokument i rëndësishëm

Ministrja e Shtetit dhe Kryenegociatorja mbi ecurinë e procesit të negociatave, Majlinda Dhuka, ka folur në Komisionin për Çështjet Europiane për buxhetin e vitit 2025.

Sipas ministres, ky buxhet është një dokument i rëndësishëm që vjen në një moment ku për Shqipërinë janë hapur grupkapitujt e parë me BE-në.

Dhuka tha se buxheti i vitit 2025 formëzon një pjesë të madhe të investimeve dhe rekomandimeve të KE.

Ministrja u shpreh se buxheti parashikon mbështetje për thellimin e reformave kryesore, reformën në drejtësi, digjitalizimin, reformën në shërbimet publike, mbështetje në reformat në punësim dhe në mirëqeverisje dhe forcimin e institucioneve shqiptare, mbështet rrjetet europiane, lidhjen e Shqipërisë me korridoret europiane sa i përket infrastrukturës rrugore, sa i përket infrastrukturës hekurudhore, ajrore dhe detare. Mbështet afrimin e tregut të energjisë me tregun europian që vendi të jetë eksportues në vendet e BE, të energjisë elektrike brenda kësaj dekade.

Më tej, ministrja nënvizoi se pritet që Shqipëria të përfitojë 920 milionë euro kredi me kushte të lehtësuara dhe grant për reformat europiane dhe vazhdon me 550 milionë euro IPA i ndarë në 7 vite dhe gjatë viteve 2025-2027.

“Ky buxhet është një dokument i rëndësishëm në një çast historik për Shqipërinë.

Shqipëria dhe BE përmes KE kanë miratuar një agjendë të rëndësishme europiane për të përgatitur vendin për të qenë anëtare e familjes europiane.

Formëson një pjesë të madhe të investimeve dhe rekomandimeve të KE.

Ky buxhet parashikon mbështetje për thellimin e reformave kryesore, reformën në drejtësi, digjitalizimin, reformën në shërbimet publike, mbështetje në reformat në punësim dhe në mirëqeverisje dhe forcimin e institucioneve shqiptare.

Ky buxhet mbështet rrjetet europiane, lidhjen e Shqipërisë me korridoret europiane sa i përket infrastrukturës rrugore, sa i përket infrastrukturës hekurudhore, ajrore dhe detare. Mbështet afrimin e tregut të energjisë me tregun europian që vendi të jetë eksportues në vendet e BE-së, të energjisë elektrike brenda kësaj dekade.

Shqipëria do të përftojë mbështetje të rritur të BE-së përmes facilitetit për reforma dhe rritje. Nga vlerësimi paraprak pritet që Shqipëria të përfitojë 920 milionë euro kredi me kushte të lehtësuara dhe grant për reformat europiane dhe vazhdon me 550 milionë euro IPA i ndarë në 7 vite dhe gjatë viteve 25-27", tha ministrja./ CNA