web counter
LEXO PA REKLAMA!

SHKARKO APP

App Store
Google Play

E fundit!

x

Këlliçi: Pensionistët prioriteti i PD-së, do bëjmë gjithçka

12 Nëntor 2024, 22:16, Politikë CNA
Këlliçi: Pensionistët prioriteti i PD-së, do
Drejtuesi politik i PD-së për Tiranën, Belind Këlliçi

Drejtuesi politik i PD-së për Tiranën, Belind Këlliçi theksoi rëndësinë e shpalljes së disa emergjencave kombëtare për Shqipërinë.

Këlliçi përmendi se ndër përparësitë e kësaj iniciative është mbështetja për pensionistët, duke theksuar domosdoshmërinë e një skeme të qëndrueshme të pensioneve.

I ftuar në një emision televiziv, Këlliçi tha se Partia Demokratike synon të sigurojë një pension minimal për çdo pensionist, duke e parë këtë si një nevojë urgjente.

"Sa i përket Shqipërisë, Partia Demokratike është në prag të shpalljes së disa emergjencave kombëtare. Aktualisht janë pesë pikat kryesore, ku e para lidhet pikërisht me pensionistët. Ne duhet të sakrifikojmë gjithçka për të garantuar skemën e pensioneve dhe për të siguruar një pension minimal për pensionistët.

Duke qenë se këtë herë, për herë të parë, voton edhe diaspora, kërkesa kryesore e diasporës është lidhur me pensionet, pasi pjesa më e madhe e tyre kanë familje këtu – prindërit, brezi im, më të rinjtë ose pak më të mëdhenjtë, të cilët janë larguar nga Shqipëria por ende mbajnë ekonominë shqiptare me remitancat e tyre. Shumica e tyre kanë prindërit në Shqipëri. Po të mos ishin ata, prindërit e tyre këtu do të vuanin për bukë, duhet ta themi këtë sepse është realitet, dhe sot një çift të moshuarish nuk mund ta përballojë jetesën me pensionet që jep qeveria shqiptare.

Duke thënë këtë, një nga kërkesat kyçe që kishim nga diaspora, dhe që qytetarët që kam takuar në Shtetet e Bashkuara të Amerikës kanë shprehur, ishte çështja e pensioneve. Pensionet në Shqipëri janë në kufijtë e qesharakes."- u shpreh Këlliçi.





Lajmet e fundit nga