E fundit!

22:27 Ekonomi

Hyn në fuqi rregullorja e re/ Licencat e shoqërive në ndërtim do të vlejnë deri në 5 vjet

Licencat e shoqërive të ndërtimit do të kenë afat vlefshmë...

Zgjedhjet e 11 majit/ Alimehmeti analizon raportin e OSBE/ODIHR: U pranua se nuk bëhet dallimi i shtetit me partisë

24 Tetor 2025, 21:25, Politikë CNA

Zgjedhjet e 11 majit/ Alimehmeti analizon raportin e OSBE/ODIHR: U pranua se nuk

Koordinatori i PD-së për Tiranën, Ilir Alimehmeti, ka folur mbrëmjen e sotme lidhur me raportin final të OSBE/ODIHR për zgjedhjet e 11 majit. Në një dalje televizive, Alimehmeti është ndalur te disa nga pikat e raportit.

Pika ku thuhet se “partia në pushtet përfitoi nga përdorimi i gjerë i burimeve administrative dhe ndikimi institucional, duke e bërë të paqartë ndarjen midis shtetit dhe partisë”, tregon sipas demokratit që partia dhe shteti nuk kanë në mes një kufi.

“Kur ata thonë se gara është e pabarabartë dhe nuk bëhet dallimi i shtetit me partisë, ata të kanë thënë fjalët më të forta që kanë, se në atë mënyrë flasin ata. Flasin në gjuhë diplomatike”, tha ai.

Alimehmeti u ndal dhe të një tjetër pikë e cila lidhet me shqetësimin për shit-blerje të vullnetit të qytetarëve. Sipas tij qytetarët shqiptarë e dinë shumë mirë se kush mes mazhorancë dhe opozitës, e ka fuqinë e blerjes së votës në vendin tonë.

“A ka shqiptarë që nuk e di se kush e ka fuqinë e blerjes së votës në Shqipëri? Ku janë gjithë fuqitë e mbledhura? E dinë shqiptarët shumë mirë. E di shumë mirë, unë kam qenë në fushatë, kam qenë në terren dhe vij nga terreni edhe sot që flasim.

Në çdo zonë që ulesh për kafe, të ulesh në tavolinë, mund të thonë fare mirë sa i blen, sa ka blerë në total, e me radhë, e me radhë. Në qoftë se ne mendojmë se fuqia e partisë-shtet është e krahasueshme me fuqinë e opozitës, në aspektin monetar, atëhere me të vërtetë asnjë prej nesh nuk jeton në Shqipëri, të gjithë jetojmë në Hënë, në Mars, apo ku di unë diku tjetër.

Që të bësh tentativë, do të thotë të kesh thesin me para këtu mbrapa. Tani, thesin me para këtu mbrapa kush e ka? Se unë nuk e kam pasur, të flasim shumë qartë. Në krahun tjetër në garë, ishin dhe disa ministra të PS. Kush mendoni se e ka fuqinë ekonomike dhe mbështetjen më të madhe të administratës nga mbrapa. E kam unë? Apo e kanë ministrat?”, tha ai. /CNA