web counter
LEXO PA REKLAMA!

SHKARKO APP

App Store
Google Play

E fundit!

x

Raporti për zgjedhjet e 11 majit/ Kaso: Vëzhguesit e OSBE/ODIHR pasqyruan situatën reale

24 Tetor 2025, 21:07, Politikë CNA

Raporti për zgjedhjet e 11 majit/ Kaso: Vëzhguesit e OSBE/ODIHR

Deputeti i Partisë Demokratike, Ivi Kaso ka komentuar mbrëmjen e sotme raportin final të OSBE/ODIHR për zgjedhjet parlamentare të 11 majit.

I ftuar në Syri Tv, Kaso u shpreh se shkeljet e Kodit Zgjedhor nga kryeministri Edi Rama apo PS-ja ishin hapur në kundërshtim me ligjin dhe janë konstatuar nga vetë vëzhguesit e OSBE/ODIHR. Ai tha se puna e tyre duhej përgëzuar pasi u shpreh se në raport kanë pasqyruar situatën reale.

Kaso shtoi më tej se detyra e opozitës është që të zbërthejë të gjitha gjetjet dhe t’i kthejë në propozime se si mundet që zgjedhjet në Shqipëri të kthehen në standarde të pranuara nga komuniteti ndërkombëtar.

“Dy ditë para zgjedhjeve, Rama vendosi të falë gjobat, ose të shkelë Kodin Zgjedhor hapur dhe të dërgojë bonusin e pensioneve, pensionistëve në shtëpi. Janë shkelje të cilat i kanë vërejtur drejt për së drejti dhe kanë qenë kaq në kundërshtim me ligjin, saqë ka pasur fare pak vend për diskutime, t’i përfshijnë apo jo në raport.

Si kundër, prezenca e krimit të organizuar në qendrat e votimit, që kërcënonte deputetët e opozitës. Ose të banditëve të tjerë, veçanërisht në Fier, Elbasan, Shkodër, të cilët bëheshin gardh para qendrës së votimit dhe vendosnin ata se kush hynte apo jo, janë konstatime që i kanë parë vetë me sytë e tyre. Është për t’u përgëzuar integriteti i tyre, sepse gjithçka që kanë parë, fotografinë reale të situatës e kanë paraqitur në raport.

Ne na lind detyra nga njëra anë që t’i zbërthejmë të gjitha gjetjet dhe t’i kthejmë në propozime se si mundet që zgjedhjet në Shqipëri të kthehen në standarde të pranuara nga komuniteti ndërkombëtar, që shqiptarët të kenë më në fund mundësinë që të zgjedhin. Dhe nga ana tjetër, të krijojmë atë presionin pozitiv ndaj mazhorancës, në mënyrë që të ulet, t’i implementojë dhe t’i kthejë ato në parashikime ligjore, në detyra për agjencitë dhe organet ligjzbatuese.

Nëse ne presim që mazhoranca të ndërgjegjësohet se nuk duhet të vjedhë vota, se nuk duhet të përdorë makinerinë e pushtetit që ka për të mos manipuluar zgjedhjet, atëherë kjo është iluzion për të gjithë shqiptarët", u shpreh Kaso. /CNA





Lajmet e fundit nga