web counter
LEXO PA REKLAMA!

SHKARKO APP

App Store
Google Play

Raporti i OSBE-ODIHR për zgjedhjet/ Bylykbashi: Gjetjet e ndërkombëtarëve nuk reflektohen këtu

24 Tetor 2025, 11:58, Politikë CNA

Raporti i OSBE-ODIHR për zgjedhjet/ Bylykbashi: Gjetjet e

Deputeti i Partisë Demokratike, Oerd Bylykbashi, pjesë e mbledhjes së Komisionit të Ligjeve, është ndalur te raporti i OSBE/ODIHR për zgjedhjet e 11 majit.

Bylykbashi e cilësoi raportin e publikuar dje si një raport të jashtëzakonshëm. Më tej demokrati tha se gjetjet e raporteve ndërkombëtare nuk reflektohen asnjëherë tek institucionet në vend dhe për këtë u shpreh ai duhet ngritur zëri patjetër.

Sa u përket rezolutave që u diskutuan në komision, Bylykbashi tha se nuk janë në përputhje me situatën që duhet të adresohet pasi nuk evidentohen disa problematika. Ndër të cilat përmendi shkeljet në prokurimet publike.

 

“Të gjitha institucionet që ne do të diskutojmë sot janë pjesë e raportit të OSBE/ODIHR. Por nuk janë me duartrokitje, janë me kritika. Raporti që ka dalë dje është i rrallë, i jashtëzakonshëm.

Gjithë debati që kemi pasur me orë të tëra dhe njerëzit kanë treguar interes, një nga gjërat që na provoi ishte dështimi i sistemeve. Në të gjitha rastet janë në prag katastrofe. Duhet patjetër të ngremë zërin, se gjetjet e raporteve ndërkombëtare nuk reflektohen këtu.

Këto rezoluta nuk janë në përputhje me situatë që duhet të adresohet, ka çështje që nuk dalin, problematika të tjera. Nuk flitet për krimin e pronave, për shkeljet në prokurimet publike”, tha Bylykbashi.





Lajmet e fundit nga