web counter
LEXO PA REKLAMA!

SHKARKO APP

App Store
Google Play

E fundit!

x

"Bomba e OSBE-së demaskon farsën e 11 majit"/ Këlliçi: Raporti i jep vlerë qëndresës së opozitës

23 Tetor 2025, 14:58, Politikë CNA

"Bomba e OSBE-së demaskon farsën e 11 majit"/

Deputeti i Partisë Demokratike, Belind Këlliçi, ka reaguar lidhur me Raportin Përfundimtar të OSBE/ODIHR-it për zgjedhjet e 11 majit.

Këlliçi, përmes një postimi në rrjetet sociale, shprehet se raporti thekson përdorimin e gjerë të administratës në zgjedhje, po ashtu edhe lidhjet me krimin.

Deputeti citon raportin edhe për pjesën e gjuhës së kryeministrit Rama në fushatë me fjalët “çyryk” dhe “autik”.

"Bomba e OSBE-ODIHR demaskon përfundimisht farsën e 11 majit dhe rivlerëson qëndresën opozitare!

Raporti final i OSBE-ODIHR konfirmon të gjitha konstatimet publike të Partisë Demokratike për 11 majin.

Në raport theksohen përdorimi i gjërë i administratës publike duke e bërë të paqartë ndarjen midis shtetit dhe partisë, lidhjet e krimit të organizuar me politikën në Tiranë, Durrës, Elbasan dhe Vorë. Manipulimi i rëndë i mjedisit mediatik, përdorimi i gjuhës fyese dhe diksriminuese me epitetet "çyryk" apo "autik". Blerja e votuesve në mënyrë të drejtpërdrejtë, përdorimi i makinerisë shtetërore për të falur gjoba, dhënia e bonuseve për pensionistët apo shtrimi i asfaltit elektoral.

Duhet të themi se të gjitha këto çështje janë shtruar nga opozita në mënyrë të qartë, të faktuar dhe të pakundërshtueshme me prova, foto e video autentike!", shkruan Këlliçi.

Këlliçi deklaron se kjo i jep vlerë qëndrimit të opozitës për farsën zgjedhore.

"Ky raport, ndër të tjera i jep vlerë dhe qëndresës së pakompromis të Partisë Demokratike kundër farsës zgjedhore të 11 majit, e cila në mënyrë kriminale tentoi të zëvendësonte vullnetin e shqiptarëve me manipulimin e frikshëm patronazhist nga partia-shtet.

Mbi të gjitha, përndjekja dhe burgosja e liderëve të opozitës për arsye politike mbetet çështja më flagrante, shkatërrimtare për demokracinë dhe liritë politike e individuale në vend.

Ky raport është pasqyra e plotë e asaj që ndodhi më 11 maj dhe reagimi ndaj asaj farse ishte dhe mbetet detyrë e çdo individi apo faktori politik që vlerëson sadopak institucionin e zgjedhjeve të lira, klimën e demokracisë apo perspektivën europiane të një vendi si Shqipëria", përfundon Këlliçi./CNA





Lajmet e fundit nga