web counter
LEXO PA REKLAMA!

SHKARKO APP

App Store
Google Play

E fundit!

x

Raporti i OSBE-ODIHR/ Boçi: I jep një kartë të fortë PD të vazhdojë denoncimet

23 Tetor 2025, 20:22, Politikë CNA

Raporti i OSBE-ODIHR/ Boçi: I jep një kartë të fortë

Nënkryetari i Partisë Demokratike, Luçiano Boçi ka komentuar raportin përfundimtar të OSBE-ODIHR për zgjedhjet parlamentare të 11 majit.

Boçi ka deklaruar se raporti i jep një kartë shumë të fortë PD-së që të vazhdojë denoncimet e saj për farsën elektorale.

“Raporti i OSBE-ODIHR i jep një kartë shumë të fortë PD-së që të vazhdojë denoncimet e saj, lobimet jashtë Shqipërisë tek komuniteti ndërkombëtar që të qartësohet për situatën në Shqipëri dhe të ndërveprojë për të realizuar atë që të gjithë e kërkojmë, realizimin e votës së lirë, zgjedhje të ndershme dhe ruajtjen e parimeve dhe standardeve demokratike”, deklaroi Boçi.

Boçi tha se gjtihçka që është përcaktuar në raport janë denoncime reale dhe konkrete të pasuruara me fakte dhe prova nga PD-ja.

“Të gjitha këto të përcaktuara në raport, si akuza ndaj mazhorancës për procesin zgjedhor, janë denoncime reale dhe konkrete të pasuruara me fakte konkrete dhe prova nga PD-ja, nga kryetari i PD-së, Sali Berisha. Publiku shqiptar e di shumë mirë se çfarë ndodh me zgjedhjet dhe ka dashur gjithmonë të dijë, nëse ndërkombëtarët kanë sy të shohin dhe veshë të dëgjojnë se çfarë ndodh në Shqipëri. Ardhja e këtij raporti i bind ata që, po paska dhe disa përtej nesh që jemi këtu brenda që e lexojnë të vërtetën e Shqipërisë, por që kanë dhe mekanizma që këtë të vërtetë ta rregullojnë apo ta përdorin si kartë për të realizuar edhe dëshirën dhe vullnetin e publikut shqiptar”, tha Boçi./ CNA





Lajmet e fundit nga