web counter
LEXO PA REKLAMA!

SHKARKO APP

App Store
Google Play

Zdromsi del që pa gdhirë, habitet nga qytetari

24 Shtator 2024, 10:08, Politikë CNA
Zdromsi del që pa gdhirë, habitet nga qytetari
Kryebashkiaku i Tiranës, Erion Veliaj

Aktiviteti i përditshëm i gjen qytetarët në punë në orare të ndryshme.

Njerëzit janë punëtorë, dikush del me familjen të punojë, dikush del më shpejt e dikush kthehet vonë.

I tillë është edhe rasti i një çifti nga Tirana që shkonte në punë në 4:30 të mëngjesit dhe që u përball me kryebashkiakun Erion Veliaj, i cili kishte dalë për të bërë propagandë për pastrimin e kryeqytetit, që duket se është më keq se kurrë.

Nga videoja që ka publikuar vetë kryebashkiaku duket që qytetari është tallur me Veliajn, i cili në fakt ngelet i habitur dhe bën ironi me të për faktin se është zgjuar në orën 4:00 të mëngjesit për të ndihmuar bashkëshorten.

Në fakt, jo të gjithë dalin që në 4:00 nga zyra për të vjedhur, apo për të bërë propaganda, apo për të bërë video për të rregulluar imazhin.

Jo të gjithë janë në hetim për hetim pasuror, apo po hetohen për korrupsion për skandale dhe afera, ka dhe qytetarë të lirë, të cilët ngrihen, punojnë, kanë halle, prandaj dhe habitet Erion Veliaj se tjetër standardi i përket ai.

Ai i përket standardit të dosjes “5D”, të një grupi kriminal që vidhte pa ndalim taksat e qytetarëve të Tiranës, i përket standardit të inceneratorëve që nuk ekzistojnë.

Erion Veliaj i përket standardit të shembjes së një teatri në mënyrë kriminale, i përket standardit të shembjes të ndërtimeve te “5 Maji”, i përket dhunës ndaj qytetarëve të Tiranës dhe abuzimeve.

Veliaj i përket standardit të trafikut, pluhurit, ndotjes së kryeqytetit, ndërsa qytetarët ngrihen në mëngjes, shkojnë e ndihmojnë familjarët e tyre, punojnë dhe kanë një fytyrë tjetër nga ajo e një zdromsi që drejton Bashkinë e Tiranës./ CNA





Lajmet e fundit nga