web counter
LEXO PA REKLAMA!

SHKARKO APP

App Store
Google Play

Nisma e Ramës për mikroshtetin/ Ish-ministri: Temë përçarëse, nuk ka logjikë

22 Shtator 2024, 18:09, Politikë CNA

Nisma e Ramës për mikroshtetin/ Ish-ministri: Temë

Ish-ministri i Drejtësisë Ylli Manjani ka komentuar mbi nismën e kryeministrit Edi Rama për të krijuar një mikroshtet brenda kryeqytetit.

Sipas Manjanit kjo është një temë përçarëse dhe nuk ka asnjë logjikë tjetër.

Manjani shkruan se Ramë po promovon shtetin brenda shtetit të Baba Mondit, shtet muslimanësh kundër muslimanëve dhe në zili ndaj të krishterëve.

“Është e paimagjinueshme sa shtete brenda shtetit, republika e principata mund të krijoheshin në këtë piç vend!

E sigurtë është që Ed Ramës do t’i ngelej vetëm shteti i Surrelit.

Shkodra, Lezha, Mirdita, Mati, Tropoja, Durrësi, Kruja, Elbasani, Korça, Sarandë-Himarë-Dropulli, Vlorë -Tepelena dhe Berati, të gjitha këto kanë traditë vetëqeverisëse vetë ose me të huaj.

Venediku, Franca, Italia, Greqia e Turqia, nga njëra anë si dhe Bushatlinjtë, Markagjonët, Kastriotët, Muzakajt, Zogolli etj nga ana tjetër kanë lënë tradida vetqeverisëse shumë më të forta se gjyshata e Baba Mondit.

Edhe princit i Libofshës i takon një copë myzeqe,aq sa do ta lejonin Muzakajt e Beratit, se ka mbështetje në rrjetet sociale.

Sinqerisht nuk e kuptoj logjikën reale të një politikani që, për më tepër e quan veten Rilindas, të rihapë një temë kaq përçarëse sa kjo e shtetit brenda shtetit.

Rilindasit e shkrete promovonin Shqipërinë unike dhe shqiptarinë si fe unike. I rilinduri Ramë promovon shtetin brenda shtetit të Baba Mondit, shtet muslimanësh kundër muslimanëve dhe në zili ndaj të krishterëve!!

Rilindasit e vërtetë janë duke u rrotulluar nëpër varret e tyre nga sikleti. Deri tek tërheqja e vemendjes e kuptoj, por më tej ska më asnjë llogjikë.  Nejse, sidoqoftë ja vlen argalisja me budallëqe të tilla, aq më tepër që në këtë vend ku kanë mbirë trutë e gomarit gjithandej.

Në fund të fundit, siç kemi thënë, nuk na kanë hije hiç këto punët e shtetit”, shkruan Manjani./ CNA





Lajmet e fundit nga