web counter
LEXO PA REKLAMA!

SHKARKO APP

App Store
Google Play

E fundit!

x

Zbulohen detaje nga takimi i Celibashit me ambasadoret e BE-së dhe SHBA-së/ Porositë që ata dhanë për KQZ-në

5 Prill 2023, 18:29, Politikë CNA

Zbulohen detaje nga takimi i Celibashit me ambasadoret e BE-së dhe

Kreu i KQZ-së, Ilirjan Celibashi zhvilloi sot një takim me ambasadoren e BE-së, Christiane Hohmann dhe ambasadoren e SHBA-së, Yuri Kim.

Ambasada amerikane në Tiranë ka zbardhur detaje nga ky takim, ku bëhet me dije se Celibashi ka raportuar përgatitjet e KQZ-së, për zgjedhjet vendore të 14 majit.

Sipas deklaratës, dy ambasadoret dhanë porositë e tyre. Ata deklaruan se KQZ duhet të kryejë detyrën e saj pa ndërhyrje gjatë periudhës së zgjedhjeve dhe të fokusohet në zbatimin e rekomandimeve të paplotësuara të ODIHR-it.

Kjo pasi ata e shohin zhvillimin e zgjedhjeve të ndershme si process vendimtar për anëtarësimin e Shqipërisë në BE-së.

“Sot, më 5 prill, Ambasadorja e BE-së Christiane Hohmann dhe Ambasadorja e SHBA-së Yuri Kim u takuan me Komisionerin Shtetëror të Zgjedhjeve Ilirjan Celibashi.

Komisioneri Celibashi i informoi ambasadoret mbi përgatitjet e Komisionit Qendror të Zgjedhjeve në prag të zgjedhjeve vendore të 14 majit 2023. Gjithashtu, Komisioneri theksoi përpjekjet e KQZ-së për të garantuar një garë të ndershme, duke përfshirë monitorimin e keqpërdorimit të burimeve shtetërore dhe transparencën për të dhënat financiare.

Dy ambasadoret theksuan se ishte thelbësore për procesin zgjedhor që institucionet si KQZ-ja të lejoheshin ta kryenin punën e tyre pa ndërhyrje dhe se njerëzit duhet të jenë në gjendje të zgjedhin lirisht për kë të votojnë. Ambasadorja Hohmann e lidhi zhvillimin e zgjedhjeve me rrugën e Shqipërisë drejt anëtarësimit në BE.

Zbulohen detaje nga takimi i Celibashit me ambasadoret e BE-së dhe

“Procesi i anëtarësimit të Shqipërisë është duke u zhvilluar dhe ka përfunduar shqyrtimi i grupimit të parë të kapitujve, ku zgjedhjet janë një komponent i rëndësishëm i bazave. Prandaj, do t'i kushtohet vëmendje e shtuar zhvillimit të zgjedhjeve lokale”, tha Ambasadorja Hohmann.

Dy ambasadoret theksuan rëndësinë e integritetit të kandidatëve në zgjedhje dhe të pasurit e kushteve të barabarta për konkurrentët elektoralë. Ato theksuan se KQZ-ja duhet të ruajë besueshmërinë dhe respektin e arritur deri tani dhe të fokusohet në zbatimin e rekomandimeve të paplotësuara të ODIHR-it.

Komisioneri Celibashi falënderoi BE-në dhe SHBA-në për mbështetjen e tyre ndaj KQZ-së dhe procesit zgjedhor më gjerësisht. Celibashi vlerësoi në veçanti platformën digjitale të financuar nga BE-ja për raportimin e financimit të partive dhe fushatave, zbatuar përmes Këshillit të Evropës”, thuhet në deklaratë./ CNA.al





Lajmet e fundit nga